ലഖ്​നോ: ഉത്തര്‍പ്രദേശില്‍ ക്ഷേത്രത്തില്‍ കയറി വെള്ളം കുടിച്ചതിന്​ മുസ്​ലിം ബാലന്​​ ക്രൂരമര്‍ദനം. സംഭവത്തിന്‍റെ വിഡിയോ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ചതോടെ അക്രമിയെ പൊലീസ്​ അറസ്റ്റ്​ ചെയ്​തു. ബിഹാര്‍ സ്വദേശിയായ ശ്രിങ്കി നന്ദന്‍ യാദവിനെയാണ്​ പൊലീസ്​ അറസ്റ്റ്​ ചെയ്​തത്​.

കുട്ടിയുടെ പേര്​ ചോദിക്കുന്നതും തുടര്‍ന്ന്​ ക്രൂരമായി മര്‍ദിക്കുന്നതും വിഡിയോയില്‍ കാണാം. ബിഹാറിലെ ബഗല്‍പുര്‍ സ്വദേശിക്കാണ്​ മര്‍ദനമേറ്റത്​.https://platform.twitter.com/embed/Tweet.html?creatorScreenName=Dailyhuntapp&dnt=false&embedId=twitter-widget-0&frame=false&hideCard=false&hideThread=false&id=1370442210106351620&lang=en&origin=https%3A%2F%2Fwww.madhyamam.com%2Findia%2Fghaziabad-man-thrashing-muslim-boy-for-drinking-water-at-temple-776580&siteScreenName=Dailyhuntapp&theme=light&widgetsVersion=e1ffbdb%3A1614796141937&width=550px

പ്രതി ആദ്യം കുട്ടിയുടെ പേരും പിന്നീട്​ പിതാവിന്‍റെ പേരും ചോദിച്ചു. തുടര്‍ന്ന്​ ക്ഷേത്രത്തില്‍ കയറിയത്​ എന്തിനാണെന്നായിരുന്നു​ പ്രതിയുടെ ചോദ്യം.​വെള്ളം കുടിക്കാന്‍ പോയതാണെന്ന മറുപടി ലഭിച്ചതോടെ ബാലനെ ക്രൂരമായി മര്‍ദ്ദിക്കുന്നതും വിഡിയോയിലുണ്ട്​.

വിഡിയോയുടെ അടിസ്​ഥാനത്തില്‍ പ്രതിയെ അറസ്റ്റ്​ ചെയ്​ത്​ എഫ്​.ഐ.ആര്‍ രജിസ്റ്റര്‍ ചെയ്​തതായും അന്വേഷണം ആരംഭിച്ചതായും പൊലീസ്​ പറഞ്ഞു.