തിരുവനന്തപുരം: പ്രളയബാധിതര്ക്ക് രണ്ട് മാസംകൂടി സൗജന്യറേഷന് അനുവദിച്ചേക്കും. ഇതുസംബന്ധിച്ച ഔദ്യോഗിക തീരുമാനം തിങ്കളാഴ്ച ഉണ്ടാകും. സെപ്റ്റംബര്, ഒക്ടോബര് മാസങ്ങളില്കൂടി സൗജന്യ റേഷന് നല്കാനാണ് ഭക്ഷ്യവകുപ്പ് ആലോചിക്കുന്നത്.
പ്രളയത്തെ തുടര്ന്ന് 89,540 മെട്രിക് ടണ് അരിയാണ് കേന്ദ്രം അനുവദിച്ചത്. ഇതില് 30,000ത്തോളം കഴിഞ്ഞമാസം വിതരണം ചെയ്തു. ബാക്കിയുള്ളവ രണ്ടുമാസങ്ങളിലായി വിതരണം ചെയ്യാമെന്നാണ് ഭക്ഷ്യവകുപ്പ് കരുതുന്നത്.
പ്രളയം കണക്കിലെടുത്ത് കേന്ദ്രം 12,000 കിലോ ലിറ്റര് മണ്ണെണ്ണയും അനുവദിച്ചിരുന്നു. എന്നാല് വന് തോതില് നിരക്കുവര്ധിപ്പിച്ചാണ് മണ്ണെണ്ണ അനുവദിച്ചത്.
