ലക്നോ: പരാതി നല്‍കാനെത്തിയ ആളോട് വനിതാ എസ്‌ഐ ആവശ്യപ്പെട്ടത് പിസ..! ഉത്തര്‍പ്രദേശിലെ ലക്നോവിലാണു സംഭവം. പരാതിക്കാരനായ റസ്റ്റോറന്‍റ് ഉടമസ്ഥനോടാണ് പോലീസുകാരി പിസ കൈക്കൂലിയായി ആവശ്യപ്പെട്ടത്.
തന്‍റെ ഭക്ഷണശാലയില്‍ ഭക്ഷണം കഴിച്ച്‌ പണം നല്‍കായെ മുങ്ങിയ ആള്‍ക്കെതിരേ പരാതി നല്‍കാനാണ് രോഹിത് ബെറി ഹസ്രത്ഗഞ്ച് പോലീസ് സ്റ്റേഷനിലെത്തിയത്. പരാതി സ്വീകരിച്ച്‌ എഫ്‌ഐആര്‍ തയാറാക്കിയ ഉദ്യോഗസ്ഥ, എഫ്‌ഐആറിന്‍റെ പകര്‍പ്പ് എടുക്കുന്ന സമയത്തിനുള്ളില്‍ പിസ സ്റ്റേഷനിലെത്തിക്കാന്‍ ആവശ്യപ്പെട്ടു.
എഫ്‌ഐആറിന്‍റെ പകര്‍പ്പ് ലഭിക്കാന്‍ അവര്‍ ഭക്ഷണം ആവശ്യപ്പെട്ടു. ഞങ്ങള്‍ അതു നല്‍കി. എന്നാല്‍ സമൂഹമാധ്യമങ്ങളില്‍ വിഷയം ചര്‍ച്ചയായതോടെ ഉദ്യോഗസ്ഥ പിസയും പണവും തിരികെ നല്‍കി- രോഹിത് ബെറി പറയുന്നു. “കൈക്കൂലി’ വിവാദമായതോടെ വനിതാ ഉദ്യോഗസ്ഥയെ അന്വേഷണ വിധേയമായി സര്‍വീസില്‍നിന്നു സസ്പെന്‍ഡ് ചെയ്തു.
