ന്യൂസിലന്ഡ്: അണ്ടര്-19 ലോകകപ്പ് ക്രിക്കറ്റില് ഇന്ത്യയ്ക്ക് തുടര്ച്ചയായ രണ്ടാം ജയം. ദുര്ബലരായ പാപുവ ന്യൂഗിനിയയെ 10 വിക്കറ്റിനാണ് ഇന്ത്യന് കുട്ടിക്കൂട്ടം തോല്പ്പിച്ചത്.
ടോസ് നേടി ബൗളിംഗ് തെരഞ്ഞെടുത്ത ഇന്ത്യ ക്രിക്കറ്റിലെ നവാഗതരായ പാപുവ ന്യൂഗിനിയയെ 64 റണ്സിന് ഓള് ഒൗട്ടാക്കി. 21.5 ഓവര് മാത്രമാണ് പാപുവ ന്യൂഗിനിയയുടെ ഇന്നിംഗ്സ് നീണ്ടുനിന്നത്. മൂന്ന് പേര് മാത്രമാണ് രണ്ടക്കം കടന്നത്. ഇന്ത്യയ്ക്ക് വേണ്ടി അനുകുല് റോയി അഞ്ച് വിക്കറ്റ് നേടി.
ചെറിയ ലക്ഷ്യം പിന്തുടര്ന്ന ഇന്ത്യ എട്ട് ഓവറില് വിജയം കണ്ടു. തുടര്ച്ചയായ രണ്ടാം മത്സരത്തിലും അര്ധ സെഞ്ചുറി നേടിയ നായകന് പൃഥ്വി ഷായാണ് ഇന്ത്യയുടെ ജയം അനായാസമാക്കിയത്. ഷാ 39 പന്തില് 12 ബൗണ്ടറികളുടെ സഹായത്തോടെ 57 റണ്സുമായി പുറത്താകാതെ നിന്നു. മന്ജോത് കല്റ 9 റണ്സ് നേടി ക്രീസില് ക്യാപ്റ്റന് പിന്തുണ നല്കി ഇന്ത്യയെ 10 വിക്കറ്റ് വിജയത്തിലേക്ക് നയിച്ചു.
