എക്സ്എല് 100 ന് പുതിയ നിറഭേദവുമായി ടിവിഎസ്. കോപ്പര് ഷൈന് കളര് സ്കീമിലാണ് വാഹനം പുതുതായി അണിനിരത്തിയിരിക്കുന്നത്. 32,209 രൂപയാണ് ഇതിന്റെ എക്സ്ഷോറൂം വില.
പുതിയ കോപ്പര് ഷൈന് കളര് സ്കീമിനൊപ്പം നിലവിലുള്ള റെഡ്, ഗ്രീന്, ഗ്രെയ്, ബ്ലൂ, ബ്ലാക്ക് നിറഭേദങ്ങളിലും എക്സ്എല് 100 ലഭ്യമാണ്. 4.3 bhp കരുത്തേകുന്ന 99.7 സിസി ഫോര്-സ്ട്രോക്ക് ബിഎസ് IV എഞ്ചിനാണ് എക്സ്എല് 100 ല് ഒരുക്കിയിരിക്കുന്നത്.
മണിക്കൂറില് 60 കിലോമീറ്റര് പരമാവധി വേഗതയുള്ള എക്സ്എല് 100 ല്, 67 കിലോമീറ്ററാണ് ടിവിഎസ് വാഗ്ദാനം ചെയ്യുന്ന ഇന്ധനക്ഷമത. വീതിയേറിയ ഫ്രണ്ട് പ്ലാറ്റ്ഫോം, ഡിറ്റാച്ചബിള് റിയര് സീറ്റ് എന്നിവയാണ് ഇതിന്റെ മറ്റ് വിശേഷങ്ങള്.
