തിരുവനന്തപുരം: സംസ്ഥാനത്ത് വനമേഖലകളില് ട്രെക്കിംഗിന് താല്കാലിക നിരോധനം. തേനി കുരങ്ങണി വനത്തിലുണ്ടായ തീപിടിത്തത്തിന്റെ പശ്ചാത്തലത്തിലാണ് ട്രെക്കിംഗ് നിരോധിച്ചതെന്നു വനം വകുപ്പ് അറിയിച്ചു.
ഇനി ഒരു അറിയിപ്പ് ഉണ്ടാകുന്നത് വരെ ആരും ട്രെക്കിംഗിനായി വനത്തില് പ്രവേശിക്കരുതെന്നും അധികൃതര് അറിയിച്ചു. കാട്ടുതീക്കുള്ള സാധ്യത ഉയര്ന്നതും വനത്തിനുള്ളില് രക്ഷാപ്രവര്ത്തനത്തിനുള്ള സംവിധാനങ്ങളുടെ അഭാവവുമാണ് ട്രെക്കിംഗ് നിരോധിക്കാനുള്ള പ്രധാന കാരണം.
വേനലിന്റെ കാഠിന്യം ഏറിയതിനെ തുടര്ന്ന് മരങ്ങളും പുല്ലുകളും ഉണങ്ങിയതാണ് കാട്ടുതീയുടെ സാധ്യത ഉയര്ത്തിയത്.തേനിയിലെ അപകടത്തിന് പുറമെ കേരളത്തിന്റെ അതിര്ത്തി ഗ്രാമങ്ങളായ രാമക്കല്മേട്, പൂക്കുളം മല തുടങ്ങിയ പ്രദേശങ്ങളിലും കാട്ടുതീ ഉണ്ടായിരുന്നു.
