തിരുവനന്തപുരം: സ്കൂള്‍ വിദ്യാഭ്യാസ രംഗത്ത് സമഗ്ര മാറ്റത്തിന് ശുപാര്‍ശ. എല്‍പി, യുപി, ഹൈസ്കൂള്‍, ഹയര്‍ സെക്കന്‍ഡറി ഘടന മാറ്റാനാണ് ശുപാര്‍ശ. ഒന്നു മുതല്‍ പന്ത്രണ്ടാം ക്ലാസുവരെ ഒറ്റ ഡയറക്‌ട്രേറ്റിന് കീഴിലാക്കാന്‍ വിദഗ്ധ സമിതി നിര്‍ദേശം നല്‍കി. വിദഗ്ധ സമിതി മുഖ്യമന്ത്രിക്ക് റിപ്പോര്‍ട്ട് സമര്‍പ്പിച്ചു.
ഒന്നു മുതല്‍ ഏഴു വരെ ഒരു സ്ട്രീം. എട്ടു മുതല്‍ പന്ത്രണ്ടു വരെ രണ്ടാം സ്ട്രീം. ബിരുദവും ബിഎഡുമാണ് ഒന്നു മുതല്‍ ഏഴ് വരെ അധ്യപക യോഗ്യത. ഏഴു മുതല്‍ പന്ത്രണ്ടു വരെ ബിരുദാനന്തര ബിരുദവും ബിഎഡുമാണ് റിപ്പോര്‍ട്ടില്‍ യോഗ്യത നിശ്ചയിച്ചിരിക്കുന്നത്.
ഒറ്റ ഡയറക്‌ട്രേറ്റിന് കീഴിലാകുന്നതോടെ സ്കൂള്‍ ഒരു പ്രിന്‍സിപ്പലിന്‍റെ നിയന്ത്രണത്തിലാകും. സര്‍ക്കാര്‍ നിര്‍ദേശപ്രകാരമുള്ള മാറ്റമായതിനാല്‍ നടപ്പിലാക്കാനുള്ള സാധ്യത ഏറെയാണ്.
