ഭുവനേശ്വര്: ഒഡീഷയിലെ കട്ടക്കില് പീഡനത്തിനിരയായ ആറു വയസുകാരി മരണത്തിനു കീഴടങ്ങി. കട്ടക്കിലെ ജഗനാഥ്പുര് ഗ്രാമവാസിയായ പെണ്കുട്ടി ഏപ്രില് 21 നാണ് ബാലത്സംഗത്തിനിരയായത്.
വൈകിട്ട് വീട്ടില് നിന്നും ബിസ്ക്കറ്റ് വാങ്ങാനായി പോയ പെണ്കുട്ടിയെ ഗ്രാമവാസിയായ യുവാവ് പീഡിപ്പിച്ച ശേഷം ശ്വാസം മുട്ടിച്ച് കൊലപ്പെടുത്താന് ശ്രമിക്കുകയായിരുന്നു. ഗ്രാമത്തില് പവര്കട്ടുള്ള സമയത്താണ് കുട്ടി വീട്ടില് നിന്ന് പോയത്. ബലാത്സംഗം ചെയ്ത ശേഷം സമീപത്തെ സ്കൂള് കോമ്പൌണ്ടില് ഉപേക്ഷിച്ച നിലയിലാണ് കുഞ്ഞിനെ കണ്ടെത്തിയത്.
വിവസ്ത്രയായി, വായില് നിന്നും തലയില് നിന്നും രക്തം ഒലിച്ച നിലയിലായിരുന്നു. തലയിലും മുഖത്തും സ്വകാര്യഭാഗത്തുമായി ആഴത്തില് മുറിവേറ്റിരുന്നു. അതീവ ഗുരുതരാവസ്ഥയിലായ കുട്ടി കട്ടക്കിലെ എസ്.സി.ബി മെഡിക്കല് കോളജ് ആശുപത്രിയില് ചികിത്സയിലായിരുന്നു. എന്നാല് ഞായറാഴ്ച വൈകിട്ടോടെ മരണം സംഭവിക്കുകയായിരുന്നു.
സംഭവത്തില് മുഹമ്മദ് മുഷ്താക്ക് എന്നയാളെ പൊലീസ് അറസ്റ്റു ചെയ്തിരുന്നു. പ്രായപൂര്ത്തിയാകാത്ത പെണ്കുട്ടിയെ ബാലത്സംഗത്തിനിരയാക്കല്, കൊലപാതകശ്രമം തുടങ്ങിയ കുറ്റങ്ങള് പ്രതിക്കെതിരെ ചുമത്തിയിട്ടുണ്ട്.