കാസര്ഗോഡ്: കാസര്ഗോഡ് മഞ്ചേശ്വരത്ത് ട്രെയിന് ഇടിച്ച് രണ്ട് സ്ത്രീകളും ഒരു കുട്ടിയും മരിച്ചു. മഞ്ചേശ്വരം സ്വദേശികളായ ആമിന, ആയിഷ, ആയിഷയുടെ മകന് താമില് എന്നിവരാണ് മരിച്ചത്.
ഉച്ചയ്ക്ക് 11.30-ഓടെ മഞ്ചേശ്വരം റെയില്വേ സ്റ്റേഷനിലാണ് സംഭവം. ദേശീയപാതയില് ബസിറങ്ങിയ ശേഷം റെയില്വേ ട്രാക്ക് മുറിച്ചു കടക്കാന് ശ്രമിക്കവേ ട്രെയിനിന്റെ എഞ്ചിന് തട്ടിയാണ് അപകടമുണ്ടായത്. ഒരു ട്രാക്കിലൂടെ ചെന്നൈ-മംഗലാപുരം എക്സ്പ്രസ് കടന്നുപോയിരുന്നു. അതിനാല് മറ്റെ പാളത്തിലൂടെ എന്ജിന് വരുന്നത് ഇവരുടെ ശ്രദ്ധയില് പെട്ടില്ല.
ഇടിയുടെ ആഘാതത്തില് സംഭവ സ്ഥലത്ത് വെച്ച് തന്നെ മൂവരും മരണപ്പെട്ടു. മൃതദേഹം പോസ്റ്റുമോര്ട്ടം നടപടികള്ക്കായി മംഗല്പാടി സാമൂഹിക ആരോഗ്യ കേന്ദ്രത്തിലേക്ക് മാറ്റി.
