തിരുവനന്തപുരം: മരണം വന്ന് എന്റെ കണ്ണില് ചുംബിക്കുമ്പോഴും അവസാന കാഴ്ചയിലെ സ്വപ്നത്തിനു നിന്റെ മുഖമായിരിക്കണം. ഇതായിരുന്നു ഹരിയുടെ അവസാന വാക്കുകള്. കഴിഞ്ഞ ദിവസം ഓട്ടോഡ്രൈവറായ ഇടയാര് ഹരി മരണത്തിന്റെ നിറമുള്ള വാക്കുകള് ഫേസ്ബുക്കില് കുറിച്ചപ്പോള് ആരും കരുതിയില്ല ഇയാള് ജീവനൊടുക്കുമെന്ന്.
തിരുവനന്തപുരം അമ്പലത്തറ മുട്ടാറിലുള്ള ഭാര്യവീട്ടില് എത്തിയാണ് ഇന്ന് രാവിലെ ഹരി ആത്മഹത്യ ചെയ്തത്. അവസാന കുറിപ്പിന് മുമ്പ് ഹരി ഫേസ്ബുക്കില് വീഡിയോ ഇട്ടിരുന്നു. ഹരിയുടെ ഭാര്യ ആശാ റാണിക്കും ഭാര്യാസഹോദരിക്കും ഭാര്യാപിതാവിനും എതിരെ ആരോപണങ്ങള് മുഴക്കുന്നതാണ് ഈ വീഡിയോ ഇവര് കാരണം താന് ആത്മഹത്യ ചെയ്യും എന്നാണ് വീഡിയോയില് ഹരി പറയുന്നത്.
എൻറെ എല്ലാ facebook സുഹൃത്തുക്കളും മാക്സിമം ഇത് ഷെയർ ചെയ്യണം എന്നെയും ഉപദ്രവിച്ച എൻറെ എൻറെ പേരിൽ Fort സ്റ്റേഷനിൽ കള്ള കേസ് കൊടുക്കുകയും ഞാൻ പരാതി പറഞ്ഞപ്പോൾ പെണ്ണുങ്ങൾക്കാണ് മുൻഗണന എന്ന് പറഞ്ഞ് എന്നെ അവഗണിച്ച് വിടുകയും ചെയ്തു മാക്സിമം ഷെയർ ചെയ്യുക
Posted by ഇടയാർ ഹരി on Thursday, January 31, 2019
തന്റെ ഭാര്യ തന്നെ മര്ദ്ദിക്കുന്ന വീഡിയോയും ഹരി പോസ്റ്റ് ചെയ്തിരുന്നു. സുഹൃത്തുക്കളും ബന്ധുക്കളും പിന്തിരിപ്പിക്കാന് ശ്രമിച്ചെങ്കിലും ഇതിനൊന്നും വഴങ്ങാതെ ഓട്ടോ ഡ്രൈവര് ആയ ഹരി ഭാര്യ വീട്ടില് എത്തി തൂങ്ങി മരിക്കുകയായിരുന്നു. നേരത്തെ വിവാഹിതയായ ഒരു പെണ്കുട്ടിയെയാണ് ഹരി വിവാഹം ചെയ്തത്. ആ ബന്ധത്തില് ഭാര്യയ്ക്ക് ഒരു കുട്ടിയുമുണ്ട്. മുന് ഭര്ത്താവുമായി ഭാര്യ വീണ്ടും ബന്ധം പുലര്ത്തുന്നതില് ഹരി അസ്വസ്ഥനായിരുന്നുവെന്നാണ് സൂചന. മാത്രമല്ല മറ്റു പലരുമായും ഭാര്യയ്ക്ക് ബന്ധമുണ്ടെന്ന് ഹരി സുഹൃത്തുക്കളോട് പറഞ്ഞിരുന്നു.
ഇതിനിടയില് പീഡനം ആരോപിച്ച് ഭാര്യ ഹരിക്കെതിരെ തിരുവനന്തപുരം ഫോര്ട്ട് സ്റ്റേഷനില് പരാതി നല്കിയിരുന്നു. ഈ പരാതിയുടെ പേരില് ഫോര്ട്ട് പോലീസ് ഹരിയെ വിളിച്ച് വിരട്ടിയിരുന്നു. ഇതിന്നൊടുവിലാണ് ഹരി ആത്മഹത്യാ ഭീഷണി മുഴക്കുകയും ജീവിതം അവസാനിപ്പിക്കുകയും ചെയ്തത്. ഹരിയുടെ മൃതദേഹം ഇന്ക്വസ്റ്റ് നടപടികള്ക്ക് ശേഷം പൊലീസ് തിരുവനന്തപുരം മെഡിക്കല് കോളേജിലേക്ക് മാറ്റിയിട്ടുണ്ട്. പോസ്റ്റ്മോര്ട്ടത്തിനു ശേഷം സംസ്കാരം ഇടയാറുള്ള വീട്ടില് നടക്കും.
Posted by ഇടയാർ ഹരി on Saturday, February 2, 2019