തെലങ്കാന: ഹൈദരാബാദില്‍ നടന്ന ഒരു ആർഭാട വിവാഹത്തിന്‍റെ വാര്‍ത്തയാണ് ഇപ്പോള്‍ സോഷ്യല്‍മീഡിയയില്‍ വൈറലായിക്കൊണ്ടിരിക്കുന്നത്.വധൂ വരന്മാര്‍ക്ക് മേല്‍ ലക്ഷക്കണക്കിന് രൂപ വര്‍ഷിച്ചു കൊണ്ടാണ് ഈ വിവാഹം മാധ്യമ ശ്രദ്ധ ആകര്‍ഷിച്ചത്. മാര്‍ച്ച്‌ പതിനേഴിനാണ് ഈ വിവാഹം നടന്നത്.
സുശാന്ത് കൊത്ത, മേഘ്‌ന ഗൌഡ എന്നിവരുടെ വിവാഹത്തിനു ബന്ധുക്കള്‍ എത്തിയത് ബാസ്‌ക്കറ്റ് നിറയെ കറന്‍സി നോട്ടുകളുമായി ആയിരുന്നു. വിവാഹ വേദിയില്‍ വച്ച്‌ ഇത് അവര്‍ വധുവിന്‍റെയും വരന്‍റെയും മേല്‍ വര്‍ഷിക്കുകയും ചെയ്തു.
സ്വകാര്യ ഐടി കമ്പനിയില്‍ സോഫ്റ്റ്‌വെയര്‍ എന്‍ജിനീയര്‍ ആയി ജോലി ചെയ്യുകയാണ് വധുവായ മേഘ്‌ന. വരന്‍ സുശാന്ത് സരൂര്‍നഗര്‍ സ്വദേശിയാണ്. സോഷ്യല്‍ മീഡിയയില്‍ നിരവധി ആളുകളാണ് ഈ വിചിത്ര വിവാഹത്തിന്‍റെ വീഡിയോ കണ്ടിരിക്കുന്നത്.
