കൊല്ലം: ശബരിമല സ്ത്രീ പ്രവേശന വിഷത്തില് സ്ത്രീ വിരുദ്ധ പരാമര്ശം നടത്തിയ സംഭവത്തിലെ പ്രതിയായ നടന് കൊല്ലം തുളസി കീഴടങ്ങി. ചവറ സിഐ ഓഫീസിലാണ് കൊല്ലം തുളസി കീഴടങ്ങിയത്. ഒക്ടോബര് 12 ന് ചവറയില് എന്.ഡി.എ സംഘടിപ്പിച്ച വിശ്വാസ സംരക്ഷണ ജാഥയില് നടത്തിയ പ്രസംഗത്തിന്റെ പേരിലാണ് പോലീസ് കേസ് എടുത്തത്.
ശബരിമലയില് പോകുന്ന യുവതികളെ രണ്ടായി വലിച്ച് കീറണമെന്നും ഒരു ഭാഗം ഡല്ഹിയിലേക്കും മറ്റൊരുഭാഗം പിണറായി വിജയന്റെ മുറിയിലേക്കും എറിയണമെന്നായിരുന്നു നടന്റെ വിവാദ പ്രസംഗം. വിധി പ്രസ്താവിച്ച ജഡ്ജിമാര് ശുംഭന്മാരാണെന്നും പ്രസംഗത്തില് പറയുകയുണ്ടായി.
ഡിവൈഎഫ്ഐ പ്രവര്ത്തകന് നല്കിയ ഹര്ജിയിലാണ് ചവറ പോലീസ് കേസ് എടുത്തത്. പ്രസംഗത്തിനെതിരെ വനിത കമ്മീഷന് സ്വമേധയാ കേസ് എടുത്തിരുന്നു. കേസില് നടന് സമര്പ്പിച്ച മുന്കൂര് ജാമ്യാപേക്ഷ കൊല്ലം പ്രിന്സിപ്പല് സെഷന്സ് കോടതി തള്ളിയിരുന്നു.