ഇസ്ലാമാബാദ്: പുല്വാമ ഭീകരാക്രമണത്തിന് പിന്നില് പ്രവര്ത്തിച്ചത് പാകിസ്ഥാനല്ലെന്ന് പാക് പ്രധാനമന്ത്രി ഇമ്രാന് ഖാന്. കശ്മീരിലെ അശാന്തിക്ക് പാകിസ്ഥാനല്ല ഉത്തരവാദിയെന്നും ഇന്ത്യ യാതൊരു തെളിവുമില്ലാതെ പാകിസ്ഥാനെ കുറ്റപ്പെടുത്തുകയാണെന്നും ഇമ്രാന് ഖാന് പറഞ്ഞു.
ഭീകരാക്രമണം കൊണ്ട് പാകിസ്ഥാന് എന്ത് ഗുണമാണുള്ളതെന്ന് അദ്ദേഹം ചോദിച്ചു. പാകിസ്ഥാന്റെ മണ്ണില്നിന്നുള്ള ആരും അക്രമം പടത്തരുതെന്നുള്ളത് പാക് സര്ക്കാരിന്റെ താല്പ്പര്യമാണ്. വിശ്വസനീയമായ തെളിവ് കൈമാറിയാല് പാകിസ്ഥാന് ഉത്തരവാദികള്ക്കെതിരെ നടപടി സ്വീകരിക്കുമെന്നും ഇമ്രാന് ഖാന് പറഞ്ഞു.
പാകിസ്ഥാനെ ആക്രമിച്ചാല് തിരിച്ചടിക്കില്ലെന്നാണ് ഇന്ത്യന് സര്ക്കാര് കരുതുന്നതെങ്കില് അത് തെറ്റാണ്. അടിച്ചാല് പാകിസ്ഥാന് തിരിച്ചടിക്കുമെന്ന് ഇമ്രാന് ഖാന് പറഞ്ഞു. മനുഷ്യരാണ് യുദ്ധം തുടങ്ങിവയ്ക്കുക എന്ന് നമുക്കെല്ലാം അറിയാം, പക്ഷേ അതെവിടേക്കൊക്കെ പോകുമെന്ന് ദൈവത്തിനേ അറിയൂ. ഇന്ത്യ വിവേകത്തോടെ പെരുമാറണം. ജൂറിയും ജഡ്ജിയും സ്വയം ആകാന് ഇന്ത്യ ശ്രമിക്കരുതെന്നും കശ്മീര് പ്രശ്നം ചര്ച്ചയിലൂടെ പരിഹരിക്കണമെന്നും ഇമ്രാന് ഖാന് ആവശ്യപ്പെട്ടു.