ഇടുക്കി: കനത്ത മഴയെ തുടര്ന്ന് ഇടുക്കി അണക്കെട്ടിലെ ജലനിരപ്പ് വീണ്ടും ഉയര്ന്നു. അണക്കെട്ടിലെ ജലനിരപ്പ് 2395.38 അടിയായി. ജലനിരപ്പ് ഉയര്ന്ന സാഹചര്യത്തില് ഇടുക്കി അണക്കെട്ടിന് സമീപം സുരക്ഷ ശക്തമാക്കി.
അണക്കെട്ടിന് താഴെയും നദീതീരത്ത് ഉള്ളവര്ക്കും ജാഗ്രതാ നിര്ദേശം നല്കിയിട്ടുണ്ട്. ഏതു സാഹചര്യത്തിലും സുരക്ഷയൊരുക്കുന്നതിന് പരിശീലനം ലഭിച്ച ദേശീയ ദുരന്ത നിവാരണ സേനയുടെ ഒരു സംഘം ചെന്നൈ ആറക്കോണത്തുനിന്നും ഇടുക്കിയിലെത്തിയിട്ടുണ്ട്. ചെറുതോണിയില് ഭരണകൂടം കണ്ട്രോള് റൂമും തുറന്നിട്ടുണ്ട്.
അതേസമയം അണക്കെട്ട് തുറക്കുന്ന കാര്യത്തില് അന്തിമ തീരുമാനമായിട്ടില്ലെന്ന് ഇടുക്കി കളക്ടര് ജീവന് പറഞ്ഞു. സര്ക്കാര് തലത്തില്നിന്നാണ് ഇക്കാര്യത്തില് തീരുമാനം ഉണ്ടാകേണ്ടതെന്നും ട്രയല് റണ് സംബന്ധിച്ച് ചര്ച്ചകള് നടക്കുകയാണ്. വിവിധ വകുപ്പുകളുമായി ആലോചിച്ച ശേഷമേ തീരുമാനമെടുക്കുവെന്നും ജില്ലാ കളക്ടര് വ്യക്തമാക്കി.