തിരുപ്പതി: മരണത്തിന് മുന്നില് നിന്ന് പെണ്കുട്ടിയെ രക്ഷിച്ച് ട്രാഫിക് പോലീസ്. തിരക്കേറിയ തിരുപ്പതി ലീലാ മഹള് സര്ക്കിളിലാണ് സംഭവം. സൈക്കിളുമായി റോഡ് മുറിച്ചുകടക്കുന്നതിനിടെ വലത് വശത്തുനിന്നെത്തിയ ബസ് പെണ്കുട്ടിയെ ഇടിച്ചുതെറിപ്പിക്കുന്ന തരത്തില് മുന്നോട്ടെത്തുകയായിരുന്നു.
കണ്മുമ്പിലെ ദുരന്തം കണ്ട് ഡ്യൂട്ടിയിലുണ്ടായിരുന്ന ട്രാഫിക് പോലീസുദ്യോഗസ്ഥന് ഓടിയെത്തി പെണ്കുട്ടിയെ പെട്ടന്ന് പിടിച്ചു മാറ്റിയതിനാല് ദുരന്തമൊഴിവായി. ബസിന്റെ മുന്ചക്രം കയറി കുട്ടിയുടെ സൈക്കിള് തവിടു പൊടിയായി.
സമീപത്തെ കെട്ടിടങ്ങളുടെ സിസിടിവിയില് പതിഞ്ഞ ദൃശ്യങ്ങളില് നിന്നാണ് ദുരന്തമൊഴിവാക്കിയ പോലീസുകാരന്റെ സാഹസികത ലോകമറിഞ്ഞത്. വീഡിയോ വൈറലായതോടെ പൊലീസ് ഉദ്യോഗസ്ഥനെ അഭിനന്ദിച്ചതിനൊപ്പം ഡ്രൈവറുടെയും പെണ്കുട്ടിയുടെയും അശ്രദ്ധയെ നിശിതമായി വിമര്ശിക്കുന്ന കമന്റുകളും സോഷ്യല്മീഡിയയിലെത്തി.