കോഴിക്കോട്: സംസ്ഥാനത്തെ തെരുവ് ഭക്ഷണങ്ങളുടെ ഗുണമേന്മ വര്ധിപ്പിക്കാന് സംവിധാനം വരുന്നു. തെരുവ് ഭക്ഷണത്തിന്റെ ഗുണമേന്മ ഉറപ്പുവരുത്തുകയെന്നതാണ് പദ്ധതിയുടെ ലക്ഷ്യം. ഫുഡ് സേഫ്റ്റി ആന്റ് സ്റ്റാന്ഡേര്ഡ്സ് അതോറിറ്റിയുടേതാണ് ഈ നീക്കം. ഓരോ ജില്ലയിലും ഓരോ സ്ഥലം എന്ന രീതിയിലായിരിക്കും ആദ്യഘട്ടത്തില് പദ്ധതി നടപ്പിലാക്കുക.
പദ്ധതി പ്രകാരം പെട്ടിക്കടകളില് വില്ക്കുന്ന ഭക്ഷണങ്ങള്ക്കും ലൈസന്സ് നിര്ബന്ധമാക്കും. കൂടാതെ വില്പ്പനക്കാര്ക്ക് മെഡിക്കല് ഫിറ്റ്നസ് സര്ട്ടിഫിക്കറ്റും നിര്ബന്ധമാക്കും. ഈ പദ്ധതി കൊണ്ടുവരുന്നതിന് മുന്നോടിയായി അധികൃതര് വിവര ശേഖരണം ആരംഭിച്ചു.
ഇതിന്റെ ഭാഗമായി കോഴിക്കോട് ബീച്ചിലെ പെട്ടിക്കടകളില് നിന്ന് ഭക്ഷ്യസുരക്ഷാ വകുപ്പ് അധികൃതര് വിവരങ്ങള് ശേഖരിച്ചു. ശുദ്ധമായ വെള്ളം ലഭ്യമാക്കുന്നത് അടക്കമുള്ള സംവിധാനങ്ങള് ഒരുക്കും. പെട്ടിക്കടകള്ക്ക് ഏകീകൃത രൂപവും നിറവും ഏര്പ്പെടുത്തുന്നത് സംബന്ധിച്ചും തീരുമാനമുണ്ടാകുമെന്നാണ് അറിയുന്നത്.