ന്യൂഡല്ഹി: ഫാദര് ടോം ഉഴുന്നാലിനെ മോചിപ്പിക്കാന് മോചനദ്രവ്യം നല്കിയിട്ടില്ലെന്ന് വിദേശകാര്യ സഹമന്ത്രി വി.കെ.സിംഗ്. ഐ എസ് ഭീകരര് തട്ടിക്കൊണ്ടുപോയി തടവില് പാര്പ്പിച്ച ഇദ്ദേഹത്തെ മോചിപ്പിക്കാന് പണം നല്കിയിരുന്നുവെന്ന വാര്ത്തകള് പ്രചരിക്കവേയാണ് മന്ത്രി ഇക്കാര്യം വ്യക്തമാക്കിയത്.
ഡല്ഹിയില് വച്ച് നടന്ന പത്രസമ്മേളനത്തിലാണ് അദ്ദേഹം ഇക്കാര്യങ്ങള് പറഞ്ഞത്. യെമനില് നിന്നും കഴിഞ്ഞ വര്ഷം മാര്ച്ച് 6 നാണ് ഭീകരര് തട്ടിക്കൊണ്ടുപോയത്. അന്ന് അവര് നടത്തിയ ആക്രമണത്തില് 15 പേരോളം കൊല്ലപ്പെട്ടിരുന്നു. ഇടയ്ക്ക് ഭീകരര് ടോം ഉഴുന്നാലിലിന്റെ വീഡിയോ പുറത്തു വിട്ടിരുന്നു. പിന്നീട് അദ്ദേഹത്തിനെ കുറിച്ച് ഒരു വിവരവും ലഭിച്ചിരുന്നില്ല.
