തിരുവനന്തപുരം: ബന്ധുനിയമന കേസില് കുടുങ്ങി മന്ത്രിസ്ഥാനം രാജിവച്ച ഇ.പി. ജയരാജന് വീണ്ടും മന്ത്രിയായി സത്യപ്രതിജ്ഞ ചെയ്തു. രാജ്ഭവനില് നടന്ന ചടങ്ങില് ഗവര്ണര് പി. സദാശിവം സത്യവാചകം ചൊല്ലിക്കൊടുത്തു. മുഖ്യമന്ത്രി പിണറായി വിജയന്റെ സാന്നിധ്യത്തിലായിരുന്നു സത്യപ്രതിജ്ഞ.
അതേസമയം, സത്യപ്രതിജ്ഞാ ചടങ്ങ് പ്രതിപക്ഷം ബഹിഷ്കരിച്ചു. ഏറ്റവും വലിയ അഴിമതിയും സ്വജനപക്ഷപാതവും നടത്തിയ ഇ.പി. ജയരാജനെ വീണ്ടും മന്ത്രിയാക്കുന്നതു ധാര്മികമല്ലെന്നു ചൂണ്ടിക്കാട്ടിയാണ് പ്രതിപക്ഷം വിട്ടുനിന്നത്.
ജയരാജന് വന്നതോടെ മന്ത്രിസഭയില് അംഗങ്ങളുടെ എണ്ണം 20 ആയി ഉയര്ന്നു. രാജിവെക്കുന്ന സമയത്ത് കൈവശം വെച്ചിരുന്ന വ്യവസായം, യുവജനക്ഷേമം, കായികം എന്നീ വകുപ്പുകള് തന്നെയാണ് ജയരാജന് ലഭിക്കുക. ഇന്നു ചേരുന്ന മന്ത്രിസഭാ യോഗത്തില് ഇ.പി. ജയരാജന് പങ്കെടുക്കും.
