കണ്ണൂര്: തലശ്ശേരിയില് മൂന്നേകാല് കോടിയുടെ കുഴല്പ്പണം പിടികൂടി. ഇന്നലെ രാവിലെ ഒമ്പത് മണിയോടെ തലശ്ശേരി റെയില്വെ സ്റ്റേഷനില് വച്ചാണ് മൂന്ന് കോടി 25 ലക്ഷം രൂപയുടെ കുഴല്പ്പണം പിടികൂടിയത്. സംഭവവുമായി ബന്ധപ്പെട്ട് കൊടുവള്ളി സ്വദേശികളായ കരുവംപൊയില് പൊന്പാറയ്ക്കല് ഇഖ്ബാല്, പെരുന്തോട്ടത്തില് മുഹമ്മദ് എന്നിവരെ പൊലീസ് കസ്റ്റഡിയിലെടുത്തു.
ഇന്നു രാവിലെ 9.30 ഓടെ തലശേരി റെയില്വേ സ്റ്റേഷനില് വച്ചാണ് യുവാക്കളെ പിടികൂടിയത്. ബംഗളുരുവില് നിന്നുള്ള യശ്വന്ത്പൂര് എക്സ്പ്രസില് വന്നിറങ്ങിയ ഇവരെ പരിശോധിച്ചപ്പോഴാണ് അവരുടെ കൈയിലുണ്ടായിരുന്ന മൂന്ന് ബാഗുകളില് നിന്നായി 2000, 500, 100 നോട്ടുകളുടെ കെട്ടുകള് കണ്ടെടുത്തത്.
ഇവരെ ഡിവൈഎസ്പിയുടെ നേതൃത്വത്തിലുള്ള പൊലീസ് സംഘം ചോദ്യം ചെയ്തു വരികയാണ്.