തിരുവനന്തപുരം: ബാലകൃഷ്ണപിള്ള-സ്‌കറിയ തോമസ് വിഭാഗങ്ങളുടെ ലയനനീക്കം പാളി. ലയനം പ്രഖ്യാപിക്കാനിരുന്ന സംയുക്ത വാര്‍ത്താസമ്മേളനം ഉപേക്ഷിച്ചു.
ഒന്നുകൂടി ആലോചിക്കാനുണ്ടെന്ന നിലപാടാണ് സ്‌കറിയ തോമസ് വിഭാഗം എടുത്തിരിക്കുന്നത്. ചെയര്‍മാന്‍ സ്ഥാനത്തെ ചൊല്ലിയാണ് തര്‍ക്കം എന്നാണ് സൂചന. ചെയര്‍മാന്‍ സ്ഥാനം സ്‌കറിയ തോമസ് ആവശ്യപ്പെട്ടുവെന്നാണ് വിവരം.
ഇടതുമുന്നണി വികസനം സംബന്ധിച്ച സുപ്രധാന ചര്‍ച്ച വ്യാഴാഴ്ച നടക്കാനിരിക്കെ കേരള കോണ്‍ഗ്രസിലെ സ്കറിയാ തോമസ്, ആര്‍. ബാലകൃഷ്ണപിള്ള വിഭാഗങ്ങള്‍ ലയിക്കാന്‍ ധാരണയായത്. മുന്നണി പ്രവേശന സാധ്യത തെളിഞ്ഞ സാഹചര്യത്തില്‍ തിങ്കളാഴ്ച ആര്‍. ബാലകൃഷ്ണ പിള്ളയും സ്കറിയാ തോമസും ആശ്രാമം ഗസ്റ്റ് ഹൗസില്‍ അര മണിക്കൂര്‍ കൂടിക്കാഴ്ച നടത്തിയിരുന്നു. തുടര്‍ന്ന് ഒൗദ്യോഗിക പ്രഖ്യാപനം ഇന്ന് രാവിലെ 11ന് തിരുവനന്തപുരത്ത് നടത്തുമെന്ന് ഇരുനേതാക്കള്‍ അറിയിച്ചിരുന്നു.
