കൊട്ടാരക്കര: ഓട്ടോ ഡ്രൈവര്‍ കുത്തേറ്റു മരിച്ചു. ഇന്ന് പുലര്‍ച്ചെ ചാമക്കട മഹാറാണി മാര്‍ക്കറ്റിന് സമീപമായിരുന്നു സംഭവം. പള്ളിത്തോട്ടം സ്വദേശിയായ സിയാദ് (32) ആണ് കൊല്ലപ്പെട്ടത്.
കൊലപാതകവുമായി ബന്ധപ്പെട്ട് പള്ളിത്തോട്ടം സ്വദേശിയായ നൗഷര്‍ എന്നയാളെയും ഇയാളുടെ ബന്ധുക്കളായ പത്തോളം പേര്‍ക്കെതിരെയും ഈസ്റ്റ് പോലീസ് കേസെടുത്തു. എന്നാൽ പ്രതികള്‍ ഒളിവിലാണെന്ന് പോലീസ് പറഞ്ഞു.
നൗഷറിന്‍റെ സഹോദരിയുടെ മകളുമായി സിയാദ് അടുപ്പത്തിലാവുകയും യുവതിയെ തട്ടിക്കൊണ്ടുപോകുകയും ചെയ്തിരുന്നു. പിന്നീട് ബന്ധുക്കള്‍ ഇടപെട്ട് യുവതിയെ തിരിച്ചുകൊണ്ടുവരികയും കൗണ്‍സിലിംഗും മറ്റും നടത്തി ബന്ധത്തില്‍നിന്ന് പിന്തിരിപ്പിക്കുകയും ചെയ്തു. എന്നാല്‍ അടുത്തിടെ സിയാദ് വീണ്ടും യുവതിയുമായി അടുപ്പത്തിലായതാണ് കൊലപാതകത്തില്‍ കലാശിച്ചതെന്ന് ഈസ്റ്റ് പോലീസ് നല്‍കുന്ന വിശദീകരണം.
