ജീവിതത്തില് തന്നെ ഏറെ വേദനിപ്പിച്ച നടനാണ് ശ്രീനിവാസനെന്ന് നിര്മ്മാതാവ് ആന്റണി പെരുമ്പാവൂര് . ഞാന് ശ്രീനിവാസനെ വിളിക്കാറില്ലെന്നും അതിന് പിന്നിലൊരു വലിയ കഥ തന്നെയുണ്ടെന്നും അദ്ദേഹം പറയുന്നു.
മോഹന്ലാലിനെ കളിയാക്കിയുള്ള ചിത്രമായിരുന്നു ഉദയനാണ് താരം. എന്നിട്ടും ലാലേട്ടന് അതില് അഭിനയിച്ചു. ഇത് വിജയിച്ചതോടെ വളരെമോശമായി വീണ്ടുമൊരു തിരക്കഥയെഴുതി ശ്രീനിവാസന് ഇതിന്റെ രണ്ടാം ഭാഗം ഇറക്കി. ഇത് ചോദിച്ചപ്പോള് താന് ഭീഷണിപ്പെടുത്തി എന്നുവരെ ചാനലുകളില് വന്നിരുന്ന് ശ്രീനിവാസന് പറഞ്ഞു.
ആദ്യത്തെത് നല്ല സിനിമയായിരുന്നു. വിജയിക്കുകയും ചെയ്തു. എന്നാല്, അടുത്തത് മോശമായൊരു തിരക്കഥയായിരുന്നു. അതില് ശ്രീനിവാസന് തന്നെ നായകനായി അഭിനയിച്ചു. ഷൂട്ടിംഗിനിടയില് ഇതേക്കുറിച്ചു കേട്ടപ്പോള് ഞാന് ക്യാമറാമാന് എസ്.കുമാറിനെയും സംവിധായകനെയും വിളിച്ചു. കുമാറുമായി എനിക്കും ലാല് സാറിനും എത്രയോ കാലത്തെ അടുത്ത ബന്ധമുണ്ട്.
അന്നു വൈകീട്ട് ശ്രീനിവാസന് ചാനലുകളിലെത്തി ആന്റണി പെരുമ്പാവൂര് ഭീഷണിപ്പെടുത്തിയെന്നു പറഞ്ഞുകൊണ്ടിരുന്നു. എന്റെ പേരുപോലും ഉച്ചരിക്കാനാകില്ല എന്നൊക്കെയാണ് പറഞ്ഞത്. ഫാന്സ് അസോസിയേഷന് മാഫിയ എന്നെല്ലാം അധിക്ഷേപിച്ചു. 30 കൊല്ലത്തോളമായുള്ള അടുപ്പമാണ്. ആരെങ്കിലും എന്തെങ്കിലും പറയുന്നതുകേട്ടാല് ‘ആന്റണീ, ഈകേട്ടതു ശരിയാണോ’ എന്നുചോദിക്കുന്നതിനു പകരം ഭീഷണിപ്പെടുത്തിയെന്നു പറഞ്ഞതു എന്തിനാണെന്നു മനസിലാകുന്നില്ല.
ഞാന് ശ്രീനിവാസനെ വിളിക്കാറില്ല, വിളിച്ചിട്ടുമില്ല. ഇതുപോലെ ഒരാളും എന്നെ വേദനിപ്പിച്ചിട്ടില്ല. കഴിഞ്ഞുപോയതു പറഞ്ഞിട്ടുകാര്യമില്ല. ആ സിനിമ വിജയിച്ചിരുന്നുവെങ്കില് അതെങ്കിലുമുണ്ടായേനെ. അതുമുണ്ടായില്ലെന്നും ആന്റണി പെരുമ്പാവൂര് പറഞ്ഞു.