തിരുവനന്തപുരം: പ്രളയം മനുഷ്യനിര്മിതമെന്ന അമിക്കസ് ക്യൂറി റിപ്പോര്ട്ട് പുറത്തു വന്നതിന് പിന്നാലെ സര്ക്കാരിനെ പരിഹസിച്ച് അഡ്വ. ജയശങ്കര്.
അമിക്കസ് ക്യൂറി അമേരിക്കന് ഏജന്റാണ്. കേരളത്തിലെ ഇടതുപക്ഷ പുരോഗമന മതേതര സര്ക്കാരിനെ അട്ടിമറിക്കാനും അതുവഴി നവോത്ഥാനത്തെ പുറകോട്ടടിക്കാനുമുളള സാമ്രാജ്യത്വ ഗൂഢാലോചനയുടെ ദുര്ഭഗ സന്തതിയാണ് ഈ റിപ്പോര്ട്ടെന്നാണ് ജയശങ്കറിന്റെ പരിഹാസം.
ഫേസ്ബുക്ക് പോസ്റ്റിന്റെ പൂര്ണരൂപം:
ഇത് ഭയങ്കര മറ്റേപ്പണി ആയിപ്പോയി!
ഈ തെരഞ്ഞെടുപ്പ് അടുത്ത കാലത്താണ് അമിക്കസ് ക്യൂറിയുടെ ഒലത്തിയ റിപ്പോര്ട്ട്. അതും നമുക്കു വേണ്ടി നാം സൃഷ്ടിച്ച നമ്മുടെ സ്വന്തം പ്രളയത്തെ കുറിച്ച്. അതും പോരാ, ഇനി ജുഡീഷ്യല് അന്വേഷണവും നടത്തണം പോലും!
അമിക്കസ് ക്യൂറി അമേരിക്കന് ഏജന്റാണ്. കേരളത്തിലെ ഇടതുപക്ഷ പുരോഗമന മതേതര സര്ക്കാരിനെ അട്ടിമറിക്കാനും അതുവഴി നവോത്ഥാനത്തെ പുറകോട്ടടിക്കാനുമുളള സാമ്രാജ്യത്വ ഗൂഢാലോചനയുടെ ദുര്ഭഗ സന്തതിയാണ് ഈ റിപ്പോര്ട്ട്.
അമിക്കസ് ക്യൂറി റിപ്പോര്ട്ടിനെതിരെ വര്ഗ ബഹുജന സംഘടനകളും സാംസ്കാരിക നായകരും ഉടന് രംഗത്തു വരും.
അമിക്കസ് ക്യൂറി അറബിക്കടലില്.