കൊച്ചി: നടിയെ ആക്രമിച്ച കേസില് ദിലീപ് സുപ്രീംകോടതിയെ സമീപിച്ചു. ആക്രമിച്ച ദൃശ്യങ്ങള് അടങ്ങിയ മെമ്മറി കാര്ഡിന്റെ പകര്പ്പ് വേണമെന്നാവശ്യപ്പെട്ടാണ് ദിലീപ് സുപ്രീംകോടതിയെ സമീപിച്ചത്. തെളിവുകള് ലഭിക്കാന് തനിക്ക് അവകാശമുണ്ടെന്ന് ദിലീപ് ആവശ്യപ്പെട്ടു. മുന് അറ്റോര്ണി ജനറല് മുകുള് റോത്തഗിയുടെ ജൂനിയര് രഞ്ജീത റോത്തഗിയാണ് ദിലീപിന് വേണ്ടി ഹര്ജി നല്കിയത്.
കേസില് കൂടുതല് രേഖകൾ ആവശ്യപ്പെട്ട് ദിലീപ് സമർപ്പിച്ച ഹര്ജി പരിഗണിക്കുന്നത് എറണാകുളം സെഷന്സ് കോടതി ഈ മാസം 18 ലേക്ക് മാറ്റിയിരുന്നു. കുറ്റപത്രത്തോടൊപ്പം നൽകിയ മുഴുവൻ രേഖകളും തനിക്ക് കൈമാറണമെന്നാണ് ദിലീപിന്റെ ആവശ്യം.
ഈ രേഖകളുടെ പട്ടികയും കോടതിയില് സമര്പ്പിച്ചിരുന്നു. ദിലീപ് ആവശ്യപ്പെട്ട 35 രേഖകളിൽ 7 രേഖകൾ കൈമാറാൻ കഴിയില്ലെന്ന് പൊലീസ് കോടതിയെ നേരത്തെ അറിയിച്ചിട്ടുണ്ട്. നേരത്തെ ദിലീപ് ആവശ്യപ്പെട്ട 87 രേകള് പ്രോസിക്യൂഷന് കൈമാറിയിരുന്നു. ദൃശ്യങ്ങള് ആവശ്യപ്പെട്ട ദിലീപിന്റെ ഹര്ജി ഹൈക്കോടതി നേരത്തെ തള്ളുകയും ചെയ്തിരുന്നു.