ഡെറാഡൂണ്: ഡെറാഡൂണില് പന്ത്രണ്ടാം ക്ലാസ് വിദ്യാര്ഥികളുടെ ക്രിക്കറ്റ് ബാറ്റ് കൊണ്ടും സ്റ്റംപുകള് കൊണ്ടുമുള്ള അടിയേറ്റ് 12 വയസുകാരന് കൊല്ലപ്പെട്ടു . ഡോക്ടര്മാര് കുട്ടി മരിച്ചതായി സ്ഥിരീകരിച്ചതോടെ സ്കൂള് അധികൃതര് ക്യാമ്പസിനുള്ളില് തന്നെ മൃതദേഹം ദഹിപ്പിക്കുകയും ചെയ്തു.
തെളിവുകള് നശിപ്പിക്കാന് ബോര്ഡിംഗ് സ്കൂളില് പഠിച്ചിരുന്ന വാസു യാദവ് എന്ന കുട്ടിയുടെ മൃതദേഹമാണ് ദഹിപ്പിച്ചതെന്ന് ഒരു ദേശീയ മാധ്യമം റിപ്പോര്ട്ട് ചെയ്തു. ബിസ്ക്കറ്റ് പായ്ക്കറ്റ് മോഷ്ടിച്ചുവെന്ന് ആരോപിച്ചാണ് സീനിയര് വിദ്യാര്ഥികള് പന്ത്രണ്ടുകാരനെ മര്ദിച്ചത്.
വാര്ഡന് കാണുന്നത് വരെ മണിക്കൂറുകള് ക്ലാസ് റൂമില് വച്ച് മര്ദിക്കുകയായിരുന്നു. സംഭവം നടന്ന ശേഷം കുട്ടിയുടെ മാതാപിതാക്കളെ വിവരം അറിയിക്കാന് പോലും സ്കൂള് അധികൃതര് തയാറായില്ലെന്ന് ബാലാവകാശ കമ്മീഷന് ചെയര്പേഴ്സണ് ഉഷാ നേഗി വെളിപ്പെടുത്തി.