ജെറ്റ് എയർവേസ് അവരുടെ 25-ാം വാർഷികം പ്രമാണിച്ച് എല്ലാവർക്കും രണ്ടു വിമാനടിക്കറ്റുകൾ സൗജന്യമായി നൽകുന്നുവെന്ന് ഇന്നലെ രാവിലെ മുതൽ വാട്സാപ്പിലൂടെ പ്രചരിക്കുന്ന ഈ സന്ദേശം വ്യാജമെന്ന് ജെറ്റ് എയർവേയ്സ് വ്യക്തമാക്കി.
സന്ദേശത്തിനൊപ്പം ടിക്കറ്റ് ലഭിക്കാൻ സന്ദർശിക്കാനുള്ള ഒരു വെബ്സൈറ്റ് അഡ്രസ്സും നൽകിയിരുന്നു.വാട്സ്ആപ് സന്ദേശത്തിലുള്ള www.jetairways.com/ tickets എന്ന ലിങ്കിൽ ക്ലിക്ക് ചെയ്താൽ കമ്പനിയുടെ ഔദ്യോഗിക വെബ്സൈറ്റിനു പകരം മറ്റൊരു സൈറ്റിലേക്കാണു പ്രവേശിക്കുന്നത്.
ഈ സന്ദേശം മണിക്കൂറുകൾക്കുള്ളിൽ തന്നെ വൈറലായതോടെയാണ് വിശദീകരണവുമായി ജെറ്റ് എയർവേയ്സ് തന്നെ രംഗത്തെത്തിയത്. തങ്ങൾ ഇത്തരത്തിൽ ഒരു ഓഫറും പ്രഖ്യാപിച്ചിട്ടില്ലെന്നു ആവർത്തിച്ച കമ്പനി എന്തെങ്കിലും പ്രഖ്യാപനമുണ്ടായാൽ അത് കമ്പനിയുടെ ഒൗദ്യോഗിക വെബ്സൈറ്റിലോ സോഷ്യൽ മീഡിയ പ്ലാറ്റ്ഫോമിലൂടെയോ മാത്രമേ ഉണ്ടാകൂ എന്നും ജെറ്റ് എയർവേസ് പുറത്തിറക്കിയ വിശദീകരണക്കുറിപ്പിൽ പറഞ്ഞു.