വെബ് പേജ് തുടങ്ങിയതിന് തന്നെ പരിഹസിച്ച ഉമ്മന് ചാണ്ടിയ്ക്ക് വിഎസിന്റെ മറുപടി. ഇന്ത്യയിലെ തന്നെ ആദ്യത്തെ ഐടി പാര്ക്ക് തിരുവനന്തപുരത്ത് തുടക്കം കുറിച്ചത് ഇടതുപക്ഷ സര്ക്കാരാണെന്ന് ഗൂഗിളില് സര്ച്ച് ചെയ്താല് മനസ്സിലാകുമെന്ന് വിഎസ് മറുപടി നല്കി.
28000 മലയാളികള്ക്ക് അഞ്ച് വര്ഷം കൊണ്ട് ജോലി ലഭിച്ച ഇന്ഫോപാര്ക്ക് ആക്രി വിലയ്ക്ക് സ്മാര്ട്ട് സിറ്റിക്ക് വിറ്റ് തുലയ്ക്കാന് ശ്രമിച്ച മുഖ്യമന്ത്രി ഉമ്മന്ചാണ്ടി ഇപ്പോഴത്തെ ഐടി വികസനത്തെപ്പറ്റി വാചാലനാകുന്നതും ഞാന് വെബ്ബ് പേജ് തുടങ്ങിയതിനെ പരിഹസിക്കുന്നതും കാണ്ടാമൃഗത്തിനെക്കാല് ചര്മശക്തി ഉള്ളത് കൊണ്ടാണെന്നും വിഎസ് ഫെയ്സ്ബുക്ക് പോസ്റ്റിലൂടെ പറഞ്ഞു.
ഉമ്മന് ചാണ്ടിയുടെ പിന്കാല് കൊണ്ടുള്ള ഈ സല്യൂട്ട് ചെറുപ്പക്കാരോടുള്ള വെല്ലുവിളിയാണ്. ഉമ്മന് ചാണ്ടിക്ക് എല്ലാറ്റിനും എന്ന പോലെ ഐടിയും ഒരു വില്പന ചരക്കാണ്. അതിന്റെ പ്രാധാന്യം തിരിച്ചറിഞ്ഞ് തെറ്റുകള് ഉണ്ടെങ്കില് അത് തിരുത്തി മുന്നോട്ട് പോകുന്നവരാണ് കമ്മ്യൂണിസ്റ്റ്കാര്. അല്പം ചരിത്രത്തിലേക്ക് കടക്കാം. എല്ഡിഎഫ് സര്ക്കാരുമായി ഉണ്ടാക്കിയ കരാറുനനുസരിച്ച് സ്മാര്ട്ട് സിറ്റി 2016ല് പണി പൂര്ത്തിയാക്കേണ്ടതായിരുന്നു. അങ്ങനെ 33000 പേര്ക്ക് ജോലി ലഭിക്കുമായിരുന്നു. 2013ല് പൂര്ത്തിയാക്കേണ്ട ഒന്നാം ഘട്ടമാണ് ഇപ്പോള് പൂര്ത്തിയാക്കിയെന്ന് വീമ്പടിക്കുന്നതെന്നും വിഎസ് പറഞ്ഞു
മുഖ്യമന്ത്രി നിങ്ങളുടെ ഉളുപ്പില്ലായ്മയ്ക്ക് മുന്നില് ഞാന് നമസ്ക്കരിക്കുന്നു. ഉദ്ഘാടന മാമാങ്കം നടത്തിയ ഈ സ്ഥലത്ത് ഒരു വലിയ കമ്പനി പോലും വന്നിട്ടില്ല. വന്നതാകട്ടേ ചില തട്ടുകടകളും ബാര്ബര്ഷോപ്പുകളും മാത്രം. അവിടെ പോയി നോക്കുന്ന ആര്ക്കും ഇത് മനസ്സിലാകുമെന്നും വിഎസ് പറഞ്ഞു
