തിരുവനന്തപുരം : എല്.ഡി.എഫ് സര്ക്കാര് രണ്ട് വര്ഷം പൂര്ത്തിയാക്കുന്ന മേയ് 18 യു,ഡി.എഫ് വഞ്ചനാദിനമായി ആചരിക്കുമെന്ന് കണ്വീനര് പി.പി.തങ്കച്ചന് അറിയിച്ചു. ഇതിന്റെ ഭാഗമായി അന്ന് ഓരോ നിയോജകമണ്ഡലങ്ങളിലെയും ഏതെങ്കിലും ഒരു സര്ക്കാര് ഓഫീസിന് മുമ്പില് സര്ക്കാരിനെതിരായ കുറ്റപത്രം വായിക്കും.
രാവിലെ 11ന് പ്രതിപക്ഷ നേതാവ് രമേശ് ചെന്നിത്തലയുടെ ഔദ്യോഗിക വസതിയായ കന്റോണ്മെന്റ് ഹൗസില് യു.ഡി.എഫ്. നേതാക്കളുടെ സാന്നിദ്ധ്യത്തില് ഇടത് സര്ക്കാരിന്റെ രണ്ട് വര്ഷത്തെ വീഴ്ചകള് ചൂണ്ടിക്കാട്ടി ചെന്നിത്തല തയ്യാറാക്കിയ പുസ്തകം മുന് മുഖ്യമന്ത്രി ഉമ്മന്ചാണ്ടി മുസ്ലീംലീഗ് ദേശീയ ജനറല് സെക്രട്ടറി പി.കെ.കുഞ്ഞാലിക്കുട്ടി എം.പിക്ക് നല്കി പ്രകാശനം ചെയ്യും.
ചടങ്ങില് യു.ഡി.എഫിന്റെ ഔദ്യോഗിക വെബ് സൈറ്റ് കെ.പി.സി.സി. പ്രസിഡന്റ് എം.എം.ഹസന് ഉദ്ഘാടനം ചെയ്യും. വൈകുന്നേരം 5 മണിക്ക് ഗാന്ധിപാര്ക്കില് നടക്കുന്ന പൊതുസമ്മേളനം രമേശ് ചെന്നിത്തല ഉദ്ഘാടനം ചെയ്യും.
