കൊച്ചി: മതവികാരം വ്രണപ്പെടുത്തുന്ന തരത്തില്‍ ഫെയ്‌സ്ബുക്കില്‍ പോസ്റ്റിട്ട സംവിധായകന്‍ പ്രിയനന്ദനനെതിരെ കേസെടുക്കണമെന്ന് ആവശ്യപ്പെട്ട് ഹൈക്കോടതിയില്‍ ഹര്‍ജി. ആലപ്പുഴ സ്വദേശിയാണ് പ്രിയനന്ദനനെതിരെ ഹൈക്കോടതിയില്‍ ഹര്‍ജി നല്‍കിയത്. കേസ് എടുക്കണമെന്നാവശ്യപ്പെട്ട് ഇയാള്‍ പൂച്ചാക്കല്‍ പൊലീസില്‍ പരാതി നല്‍കിയിരുന്നു. എന്നാല്‍, കേസെടുക്കാന്‍ പൊലീസ് തയ്യാറായിരുന്നില്ല. ശബരിമല അയ്യപ്പനെ മോശമായി ചിത്രീകരിക്കുന്ന തരത്തിലായിരുന്നു പ്രിയനന്ദനന്‍റെ ഫെയ്‌സ്ബുക്ക് പോസ്റ്റ്. വ്യാപക പ്രതിഷേധം ഉയര്‍ന്നതിനെ തുടര്‍ന്ന് പോസ്റ്റ് മുക്കിയ സംവിധായകന്‍ സംഭവത്തില്‍ ഖേദം പ്രകടിപ്പിച്ച് രംഗത്ത് വന്നിരുന്നു. പ്രിയനന്ദന്‍റെ നേര്‍ക്ക് പ്രതിഷേധക്കാര്‍ ചാണക വെള്ളമൊഴിച്ച് പ്രതിഷേധിച്ചിരുന്നു. […]
