ന്യൂഡല്ഹി: ശബരിമലയില് സ്ത്രീ പ്രവേശനം പാടില്ലെന്ന് അമിക്കസ് ക്യൂറി. ശബരിമലയിലെ സ്ത്രീ പ്രവേശന നിലവിലെ ആചാരങ്ങള് തുടരണമെന്നും രാഷ്ട്രീയ സമ്മര്ദങ്ങളാണ് സര്ക്കാരിന്റെ നിലപാട് മാറ്റത്തിന് പിന്നിലെന്നും അമിക്കസ് ക്യൂറി വ്യക്തമാക്കി.വിഷയത്തില് നിര്ണായക നിലപാടാണ് അമിക്കസ് ക്യൂറി സുപ്രീം കോടതിയെ അറിയിച്ചത്.
സ്ത്രീപ്രവേശന നിയന്ത്രണം ഒരു മതവിശ്വാസത്തിന്റെ ഭാഗമാണെന്നും ശബരിമലയിലെ ആചാരങ്ങള് ഭരണഘടന നല്കുന്ന തുല്യതയ്ക്കുള്ള അവകാശങ്ങളെ ഒരു രീതിയിലും ബാധിക്കുന്നതല്ലെന്നും അമിക്കസ് ക്യൂറി കണ്ടെത്തി.
എല്ലാ പ്രായത്തിലുമുള്ള സ്ത്രീകള്ക്ക് ശബരിമലയില് പ്രവേശനം അനുവദിക്കണമെന്ന് ആവശ്യപ്പെട്ട് സുപ്രീം കോടതിയില് നിലനില്ക്കുന്ന ഹര്ജിയുടെ അടിസ്ഥാനത്തിലാണ് അമിക്കസ്ക്യൂറിയായ കെ. രാമ മൂര്ത്തി തന്റെ നിലപാട് അറിയിച്ചത്.
