ന്യൂഡല്ഹി: ശബരിമല യുവതീപ്രവേശനവുമായി ബന്ധപ്പെട്ട ഹര്ജികള് സുപ്രീം കോടതി ഫെബ്രുവരി 6 ന് പരിഗണിച്ചേക്കും. കോടതിവിധിക്കെതിരെ അമ്പതിലധികം പുന:പരിശോധനാ ഹര്ജികളാണ് കോടതിയില് സമര്പ്പിച്ചിരിക്കുന്നത്. ഇതിനു പുറമേ റിട്ട് ഹര്ജികളും കോടതിയുടെ പരിഗണനയിലാണ്.
പുന:പരിശോധന ഹര്ജികള്ക്കൊപ്പം കോടതിയലക്ഷ്യ ഹര്ജികളും പരിഗണിക്കുമെന്നാണ് സൂചന. ഹര്ജികള് ജനുവരി 22 ന് പരിഗണിക്കാനാണ് സുപ്രീം കോടതി നേരത്തെ തീരുമാനിച്ചിരുന്നത്. എന്നാല് ഭരണഘടനാ ബെഞ്ചിലെ ഏക വനിതാ അംഗമായ ജസ്റ്റിസ് ഇന്ദു മല്ഹോത്ര മെഡിക്കല് അവധിയെടുത്തതിനാല് തീയതി നീട്ടുകയായിരുന്നു