കൊച്ചി: യുവ നടി ആക്രമിക്കപ്പെട്ട കേസില് നിര്ണായകമായ വീഡിയോ ദൃശ്യങ്ങൾ കാണാന് മുഖ്യപ്രതി പള്സര് സുനിക്ക് അനുമതി. കോടതിയുടെ സാന്നിധ്യത്തില് അഭിഭാഷകനൊപ്പം ദൃശ്യങ്ങള് കാണാനാണ് അനുമതി നൽകിയിരിക്കുന്നത്.
കേസില് വിചാരണയ്ക്ക് വനിതാ ജഡ്ജി വേണമെന്ന് ആവശ്യപ്പെട്ട് നടി നല്കിയ ഹര്ജിയില് അടുത്ത മാസം 18ന് വിധി പറയും. കേസില് നിന്ന് ഒഴിവാക്കണമെന്ന് അഭിഭാഷകരായ പ്രതീഷ് ചാക്കോ, രാജു ജോസഫും നല്കിയ ഹര്ജിയിലും വിധി പറയും.എന്നാൽ പ്രോസിക്യൂഷന് സഹായമായി സ്വകാര്യ അഭിഭാഷകനെ വേണമെന്ന നടിയുടെ ആവശ്യം കോടതി അംഗീകരിച്ചു.
നടിയെ ആക്രമിച്ചുപകര്ത്തിയ ദൃശ്യങ്ങള് ആവശ്യപ്പെട്ടുള്ള ദിലീപിന്റെ ഹര്ജിയിലും വാദം പൂര്ത്തിയായി. കേസുമായി ബന്ധപ്പെട്ട 16 രേഖകളും ഫൊറന്സിക് പരിശോധനാ ദൃശ്യങ്ങളും ദിലീപിന് പൊലീസ് കൈമാറി.
കഴിഞ്ഞ വര്ഷം ഫെബ്രുവരി 17-നാണ് നടിയെ തട്ടിക്കൊണ്ടുപോയി ആക്രമിച്ചത്. സിനിമയുടെ ഡബ്ബിങ്ങിനായി തൃശ്ശൂരില്നിന്ന് കൊച്ചിയിലേക്ക് വരുമ്പോൾ അങ്കമാലി അത്താണിക്കു സമീപത്തുവെച്ചായിരുന്നു ആക്രമണം.