ന്യൂഡല്‍ഹി: ഇന്ത്യയിലെ നാല് പ്രധാന മെട്രോ നഗരങ്ങളില്‍ പെട്രോള്‍, ഡീസല്‍ വിലകളില്‍ നേരിയ വര്‍ധനവ്. ഇന്ന് പുതുക്കി പുറത്തുവിട്ട കണക്കുപ്രകാരം ഡല്‍ഹിയില്‍ പെട്രോളിന് ലിറ്ററിന് 76.03 രൂപയാണ്. ചെന്നൈ, കൊല്‍ക്കത്ത എന്നിവിടങ്ങളില്‍ യഥാക്രമം 79.25, 79.03 ഉം മുംബൈയില്‍ 83.75 രൂപയുമാണ് പെട്രോള്‍ വില.
ഇന്ത്യന്‍ ഒായില്‍ കോര്‍പറേഷന്‍ വെബ്സൈറ്റിലാണ് നാല് പ്രധാന നഗരങ്ങളിലെ പുതിയ പെട്രോള്‍, ഡീസല്‍ വിലകള്‍ പുറത്തുവിട്ടത്.
ഡീസലിന് ഡല്‍ഹിയില്‍ 68.07ഉം മുംബൈയില്‍ 72.23ഉമാണ്. കൊല്‍കത്തയില്‍ 70.62ഉം ചെന്നൈയില്‍ 71.85 രൂപയുമാണ് ഡീസല്‍ വില. ഇന്ന് പുലര്‍ച്ചെ ആറ് മണിമുതലാണ് പുതുക്കിയ വില പ്രാബല്യത്തില്‍ വന്നത്.
