ന്യൂഡല്ഹി: തുടര്ച്ചയായ പത്താം ദിവസവും രാജ്യത്ത് പെട്രോള്-ഡീസല് വില കുറഞ്ഞു. പെട്രോള് ലിറ്ററിന് 21 മുതല് 22 പൈസ വരെയും ഡീസല് ലിറ്ററിന് 15 മുതല് 16 പൈസ വരെയുമാണ് കുറഞ്ഞിരിക്കുന്നത്. കര്ണാടക തെരഞ്ഞെടുപ്പിന് ശേഷം ഇന്ധനവില വലിയ രീതിയില് ഉയര്ന്നിരുന്നു.
ഡല്ഹിയില് ഒരു ലിറ്റര് പെട്രോളിന് 77.42 രൂപയാണ് വില. കൊല്ക്കത്ത, മുംബൈ, ചെന്നൈ എന്നിവടങ്ങളില് യഥാക്രമം 80.07,85.24,80.37 എന്നിങ്ങനെയാണ് പെട്രോള് വില. ഡീസലിന് യഥാക്രമം 68.58, 71.13, 73.02, 72.4 എന്നിങ്ങനെയാണ് വില.
പ്രതിദിനം ഇന്ധനവില മാറ്റുന്ന സംവിധാനം നിലവില് വന്നതോടെ രാജ്യത്ത് എണ്ണവില വന്തോതില് വര്ധിച്ചിരുന്നു. ഇതിനെതിരെ പ്രതിപക്ഷ പാര്ട്ടികള് കടുത്ത പ്രതിഷേധം ഉയര്ത്തിയിതിനെ തുടര്ന്ന് എണ്ണ വില നിയന്ത്രിക്കാന് നടപടികളെടുക്കുമെന്ന് കേന്ദ്രസര്ക്കാര് വ്യക്തമാക്കിയിരുന്നു.