ബീജിംഗ്: ഓട്ടോറിക്ഷയില്‍ ഒരു സൈക്കിള്‍ വരെ വച്ചുകെട്ടി പോകുന്നത് സാധാരണ കാഴ്ചയാണ്. എന്നാല്‍ ഒരു കാര്‍ ഓട്ടോയില്‍ കയറ്റാന്‍ പറ്റുമോ? വേണമെങ്കില്‍ പറ്റുമെന്നാണ് ചൈനക്കാര്‍ പറയുന്നത്. ഒരു സെഡാന്‍ കാര്‍ ഓട്ടോയുടെ മുകളില്‍ കയറ്റി കൊണ്ടുപോകുന്ന ദൃശ്യമാണ് ഇപ്പോള്‍ സോഷ്യല്‍ മീഡിയയില്‍ ഹിറ്റായി ഓടുന്നത്.
ഓട്ടോറിക്ഷയേക്കാള്‍ പത്തിരട്ടിയെങ്കിലും ഭാരമുള്ള കാറാണ് തിരക്കേറിയ റോഡിലൂടെ പോയത്. സാഹസികമായ ഈ യാത്രയ്ക്ക് ഡ്രൈവര്‍ക്ക് വലിയ വിലയും കൊടുക്കേണ്ടിവന്നു. ട്രാന്‍സ്‌പോര്‍ട്ടേഷന്‍ പെനാലിറ്റിക്കു പുറമേ 1300 യുവാന് (13,605 രൂപ) അധിക പിഴയും ഇയാള്‍ അടയ്‌ക്കേണ്ടിവന്നു.
കേടായ കാര്‍ കെട്ടിവലിച്ചുകൊണ്ട് പോകുന്നതിന് വാന്‍ വാടകയ്ക്ക് എടുക്കാന്‍ വലിയ തുക കൊടുക്കേണ്ടിവരും. ആ പണം ലാഭിക്കുന്നതിന് വേണ്ടിയാണ് ഇയാള്‍ ഓട്ടോയില്‍ കയറ്റിക്കൊണ്ടുപോയത്. ഏറെ പഴക്കം ചെന്ന് കാര്‍ വെറും 800 യുവാന് (8372 രൂപ) വാങ്ങിയ ഇയാള്‍ അത് ഒരു ആക്രി കടയില്‍ വില്‍ക്കാന്‍ കൊണ്ടുപോവുകയായിരുന്നു.
Look what you made me do! An overloaded tricycle hit the road carrying with a car that is even 10-times-heavy, east China's Zhejiang. The insane driver was fined 1,300 RMB in the end pic.twitter.com/11SalHXo6P
— People's Daily,China (@PDChina) June 4, 2018
