കൊല്ലം: ഓച്ചിറയില് രാജസ്ഥാന് സ്വദേശികളുടെ മകളായ പതിമൂന്നു കാരിയെ തട്ടിക്കൊണ്ടുപോയ സംഭവത്തില് നാല് പ്രതികള്ക്കുമെതിരെ പോക്സോ ചുമത്തി.
കേസില് പെണ്കുട്ടിയെയും പ്രതികളെയും കണ്ടെത്താന് കേരളാ പൊലീസ് ബാംഗ്ലൂര് പൊലീസിന്റെ സഹായം തേടി. പ്രതി റോഷന് പെണ്കുട്ടിയുമായി ബാംഗ്ലൂരിലേക്ക് കടന്നുവെന്ന് കണ്ടെത്തിയതിനെ തുടര്ന്നാണ് കേരളാ പൊലീസ് ബാംഗ്ലൂര് പൊലീസിന്റെ സഹായം തേടിയത്.
തിങ്കളാഴ്ചയാണ് ഓച്ചിറ സ്വദേശി റോഷനും സംഘവും പെണ്കുട്ടിയെ തട്ടിക്കൊണ്ട് പോയത്. തടയാന് ശ്രമിച്ചപ്പോള് അച്ഛനമ്മമാരെ മര്ദ്ദിച്ച് അവശരാക്കി വഴിയില്ത്തള്ളിയ ശേഷം പെണ്കുട്ടിയെ തട്ടിക്കൊണ്ടുപോവുകയായിരുന്നു.
പരാതിയുമായി സ്റ്റേഷനിലെത്തിയപ്പോള് ആദ്യം കേസെടുക്കാന് തയ്യാറാകാതിരുന്ന പൊലീസ് പിന്നീട് നാട്ടുകാരുടെ വലിയ പ്രതിഷേധങ്ങള്ക്കൊടുവിലാണ് കേസെടുത്തത്. കൊല്ലം എസിപിയുടെ നേതൃത്വത്തിലാണ് അന്വേഷണം പുരോഗമിക്കുന്നത്.