ചെന്നൈ: പിറന്നാള്‍ ദിനത്തില്‍ രാഷ്ട്രീയ പ്രഖ്യാപന വാര്‍ത്ത കാത്തുനിന്നവരെ ഞെട്ടിച്ച്‌ കമല്‍ഹാസന്‍റെ വാര്‍ത്താസമ്മേളനം. രാഷ്ട്രീയ പ്രവേശനം പ്രഖ്യാപിക്കാന്‍ സമയമായിട്ടില്ലെന്ന് പറഞ്ഞ അദ്ദേഹം, ജനങ്ങളുമായി സംവദിക്കാന്‍ മയ്യം വിസില്‍’എന്ന പുതിയ ആപ്പ് പുറത്തിറക്കി.
ജനങ്ങള്‍ക്കുവേണ്ടി പ്രവര്‍ത്തിക്കുന്നത് ശരിയായ രീതിയില്‍ വേണം. തമിഴ്നാടിനെ നന്മയുടെ ദേശമാക്കുകയാണ് ലക്ഷ്യം. അധികാരത്തിലെത്തിയാല്‍ അഴിമതി കാണിച്ചിട്ടുണ്ടെങ്കില്‍ തന്നെ ചൂണ്ടിയും വിസിലടിക്കാമെന്നും കമല്‍ പറഞ്ഞു. ആര്‍ക്കുവേണമെങ്കിലും എവിടെ നടക്കുന്ന തെറ്റായ കാര്യങ്ങളും ആപ്ലിക്കേഷന്‍ വഴി അറിയിക്കാം. ഇതുവഴി നീതി ലഭ്യമാക്കാമെന്നും അദ്ദേഹം കൂട്ടിച്ചേര്‍ത്തു.
പകര്‍ച്ചവ്യാധികളും രോഗങ്ങളും പടരുകയാണ്. അതിനുള്ള പരിഹാരങ്ങളാണ് നാം ചെയ്യേണ്ടത്. സര്‍ക്കാരും ഇക്കാര്യത്തില്‍ മികച്ച രീതിയിലുള്ള പരിചരണം നല്‍കുന്നുണ്ട്. മെഡിക്കല്‍ ക്യാമ്പുകള്‍ നടത്താന്‍ ഇനിയും ആളുകള്‍ മുന്നോട്ട് വരണം. അതേസമയം, ഇത് രാഷട്രീയവത്കരിക്കരുതെന്നും അദ്ദേഹം അഭ്യര്‍ഥിച്ചു.
