മലപ്പുറം: മങ്കടയില് പ്രായപൂര്ത്തിയാകാത്ത വിദ്യാര്ഥിനിയെ ഓട്ടോ ഡ്രൈവര് മാനഭംഗപ്പെടുത്തി. കേസില് പെണ്കുട്ടിയുടെ അമ്മയേയും ഓട്ടോ ഡ്രൈവറെയും പോലീസ് അറസ്റ്റു ചെയ്തു. പെണ്കുട്ടിയെ മാനഭംഗപ്പെടുത്താന് അമ്മ സഹായം ചെയ്തു നല്കിയെന്ന് ബോധ്യപ്പെട്ടതിന്റെ അടിസ്ഥാനത്തിലാണ് അമ്മയെ അറസ്റ്റ് ചെയ്തത്.
കേസിലെ മുഖ്യപ്രതിയായ മങ്കട പരിയംതടത്തില് സുഹൈന്(25)നെ ശനിയാഴ്ച പോലീസ് അറസ്റ്റു ചെയ്തിരുന്നു. ഞായറാഴ്ചയാണ് അമ്മയെ അറസ്റ്റു ചെയ്തത്. കഴിഞ്ഞ ഒരു വര്ഷമായി സുഹൈന് വിദ്യാര്ഥിനിയുമായി സൗഹൃദബന്ധം സ്ഥാപിച്ച് മാനഭംഗപ്പെടുത്തുകയായിരുന്നു. കുട്ടിയുടെ വീട്ടില്വച്ചും സമീപ പ്രദേശങ്ങളില്വച്ചും കുട്ടിയെ ഇയാള് മാനഭംഗപ്പെടുത്തിയിരുന്നു.
ചൈല്ഡ് ലൈന് പ്രവര്ത്തകരാണ് വിദ്യാര്ഥിനി പീഡനത്തിനിരയായ വിവരം പോലീസിനെ അറിയിച്ചത്. വിദ്യാര്ഥിനിയെ നിര്ഭയ ഹോമിലേക്ക് മാറ്റി. പ്രതികളെ മഞ്ചേരി പോക്സോ കോടതിയില് ഹാജരാക്കി റിമാന്ഡ് ചെയ്തു.