ഗസ്റ്റോയുടെ ഏറ്റവും പുതിയ ആര് എസ് പതിപ്പുമായി മഹീന്ദ്ര വിപണിയിലെത്തി. എക്സ്റ്റീരിയറില് ഒരുപാട് അപ്ഡേറ്റുകളുമായാണ് പുതിയ ഗസ്റ്റോ RS എത്തിയിട്ടുള്ളത്. 48,180 രൂപയാണ് ഇതിന്റെ എക്സ്ഷോറൂം വില.
ആര്എസ് ബാഡ്ജിംഗും ബോഡി ഗ്രാഫിക്സും നേടിയ റെഡ്-വൈറ്റ്, ബ്ലൂ-വൈറ്റ് എന്നീ കളര് സ്കീമുകളാണ് പുതിയ മോഡലില് ലഭ്യമാവുക. സിംഗിള് കളര് ഓപ്ഷനിലുള്ള സ്റ്റാന്ഡേര്ഡ് ഗസ്റ്റോയില് നിന്നും വ്യത്യസ്തമായ മുഖമാണ് ഗസ്റ്റോ RS നുള്ളത്.
അതേസമയം, പുതിയ മോഡലിന്റെ മെക്കാനിക്കല് ഫീച്ചറുകളില് മാറ്റമില്ല. 8 ബിഎച്ച്പി കരുത്തും 9 എന്എം ടോര്ക്കും ഉല്പാദിപ്പിക്കുന്ന 109.6 സിസി സിംഗിള് സിലിണ്ടര്, എയര്-കൂള്ഡ് എഞ്ചിനുമാണ് ഇതിന്റെ പ്രധാന സവിശേഷതകള്. ഫ്രണ്ട്, റിയര് എന്ഡുകളില് 130എം എം ഡ്രം ബ്രേക്കുകളും വാഹനത്തിലുണ്ട്.
