വിനോദത്തിനായി കായികയിനങ്ങള്‍ എന്ന ആശയം പ്രചരിപ്പിക്കാനും കായികപ്രേമികളുടെ ഒരു സമൂഹം രൂപപ്പെടുത്താനും ലക്ഷ്യമിട്ടു കൊണ്ട് പുതിയ ആപ്പ് രംഗത്തു വന്നിരിക്കുകയാണ്. കൊച്ചി ആസ്ഥാനമായ പേരക്ക മീഡിയയാണ് ‘അപ്‌അപ്‌അപ്’ എന്ന ഈ പുതിയ ആപ്പ് വികസിപ്പിച്ചെടുത്തിരിക്കുന്നത്.
ഏത് കായിക വിനോദങ്ങളും കളിക്കാനുള്ള സൗകര്യങ്ങള്‍ എവിടെയൊക്കെയാണെന്ന് കണ്ടെത്തി തരാനും, ഒപ്പം കളിക്കാന്‍ താല്‍പര്യമുള്ളവര്‍ ആരെല്ലാമാണെന്ന് അറിയിക്കുവാനും വേണ്ടിയാണ് പുതിയ ആപ്പ് വികസിപ്പിച്ചിരിക്കുന്നതെന്ന് പേരക്ക മീഡിയ സ്ഥാപക ഡയറക്ടറായ എം.സി ജോസഫ് പറഞ്ഞു. കൂടാതെ താല്‍പര്യമുള്ള കളിക്കാര്‍ക്ക് ഉയര്‍ന്ന സൗകര്യങ്ങളുള്ള വേദികളില്‍ പ്രവേശനവും ലഭ്യമാക്കും.
വെര്‍ച്വല്‍ കണക്ടിവിറ്റിക്ക് പകരമായി റിയല്‍ കണക്ടിവിറ്റി സാധ്യമാക്കുന്നുവെന്നതാണ് ‘അപ്‌അപ്‌അപ്’ ആപ്പിന്‍റെ പ്രത്യേകത. നിലവില്‍ കൊച്ചി, തിരുവനന്തപുരം, കോഴിക്കോട്, കോയമ്പത്തൂര്‍ എന്നിവിടങ്ങളില്‍ സേവനങ്ങള്‍ ലഭ്യമാക്കുന്ന ഈ ആപ്പില്‍ കൊച്ചിയില്‍ മാത്രം മുന്നൂറിലേറെ കളിസ്ഥലങ്ങള്‍ ലഭ്യമാക്കിക്കഴിഞ്ഞു.
