വിവാഹത്തോട് ബന്ധപ്പെട്ട ദിനങ്ങളില് ഏറ്റവും ആകര്ഷകവും മനോഹരവുമായ വസ്ത്രം ധരിക്കാനാണ് എല്ലാവരും ആഗ്രഹിക്കുന്നത്. ഈ വേളകളില് വധുവിന്റെ പ്രിയ വസ്ത്രം ആയി മാറിരിക്കുകയാണ് ലെഹങ്കകള്.
വ്യത്യസ്തമായ ലെഹങ്കകളെ കുറിച്ചും, വിവാഹത്തിനായി ഇഷ്ടാനുസരണം എളുപ്പത്തില് തിരഞ്ഞെടുക്കാനുളള മാര്ഗ്ഗങ്ങളെയും പരിചയപ്പെടാം.
വെള്ള ലഹങ്ക
ആഭരണ പ്രിയരാണെങ്കില് വിവാഹ വേളയില് വെള്ള നിറത്തിലുള്ള ലഹങ്ക തെരെഞ്ഞെടുക്കുന്നതാണ് ഉചിതം. ഏത് തരത്തിലുള്ള ആഭരണവും ആകര്ഷകമാക്കാന് വെള്ള നിറത്തിന് കഴിയും.
ബഹുവര്ണ്ണ ലഹങ്ക
പലവിധ നിറങ്ങള് ഇഷ്ട്ടപെടുന്നവര്ക്ക് ഇത് തെരഞ്ഞെടുക്കാം. പല നിറങ്ങളുടെയും വ്യത്യസ്ത കോമ്പിനേഷനുകളില് ലഹങ്കകള് ലഭ്യമാണ്. വധുവിന്റെ ഇഷ്ട്ടത്തിനനുസരിച്ച് ഇത് ഡിസൈന് ചെയ്തെടുക്കുകയും ചെയ്യാം.
ഓംബ്രെ ലഹങ്ക
ഓംബ്രെ ലഹങ്ക എന്നാല് ലഹങ്കയ്ക്കായി ഒറ്റ നിറം തിരഞ്ഞെടുക്കുന്നതിന് പകരം ഒരേ വിഭാഗത്തില് വരുന്ന വ്യത്യസ്ത നിറങ്ങള് തിരഞ്ഞെടുക്കാം. പരീക്ഷണങ്ങള് ഇഷ്ടപ്പെടുന്നവര്ക്ക് സധൈര്യം ഓംബ്രെ ലഹങ്ക ഉപയോഗിക്കാം.
ഫ്ളോറല് ലഹങ്ക
മറ്റ് ലഹങ്കകളേക്കാള് കാഴ്ചയില് കനമുള്ളതും മനോഹരവുമാണ് ഫ്ളോറല് പ്രിന്റോട് കൂടിയ ലഹങ്കകള്. വ്യത്യസ്ത നിറങ്ങളില് ഫ്ളോറല് ലഹങ്കകള് ലഭ്യമാണ്. പരിഷ്ക്കാര പ്രിയര്ക്ക് ഈ ലഹങ്കകള് ഏറെ ഇഷ്ട്ടപ്പെടും.
കുര്ത്തി ലഹങ്ക
വിവാഹ ദിനത്തില് രാജകീയമായ ഭംഗി ആഗ്രഹിക്കുന്നവര്ക്ക് കുര്ത്തി ലഹങ്ക തിരഞ്ഞെടുക്കാം. ബ്ലൗസിന് പകരം കുര്ത്തിയായിരിക്കും ഇതില് എന്നത് മാത്രമാണ് ഒരു വ്യത്യാസം. വിവിധ കളര് കോമ്പിനേഷനുകളില് ഇത് ലഭ്യമാണ്. കൂടുതലായും ഇവയില് സ്റ്റോണ് വര്ക്കുകള്ക്കാണ് പ്രാധാന്യം.