കണ്ണൂര്: കീഴാറ്റൂരില് വയല്ക്കിളികള് നടത്തുന്ന സമരത്തെ സര്ക്കാര് വിരുദ്ധ സമരമാക്കാന് ആര്എസ്എസ് ശ്രമം നടത്തുകയാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്. കണ്ണൂരില് എ.കെ.ജിയുടെ ചരമവാര്ഷികത്തോട് അനുബന്ധിച്ച പരിപാടിയില് സംസാരിക്കുകയായിരുന്നു അദ്ദേഹം.
ബൈപ്പാസിനെതിരെ സമരം നടത്തുന്നവര് അതില് നിന്ന് പിന്തിരിയണം. ഭൂമി വിട്ടുകൊടുക്കാന് തയാറായവരെപ്പോലും ആര്.എസ്.എസ് പിന്തിരിപ്പിക്കുകയാണ്. ബൈപ്പാസിന്റെ അലൈന്മെന്റ് തീരുമാനിച്ചത് ദേശീയ പാത അതോറിറ്റിയാണ്.
കേന്ദ്ര സര്ക്കാര് തീരുമാനമനുസരിച്ച് ഭൂമി ഏറ്റെടുക്കുന്ന ഉത്തരവാദിത്തം മാത്രമാണ് സംസ്ഥാനത്തിനുള്ളത്. പരിസ്ഥിതി സംരക്ഷിച്ചു കൊണ്ടുള്ള വികസനമാണ് സര്ക്കാര് നയം. സര്ക്കാരിനെ അട്ടിമറിക്കാന് ആരെയും അനുവദിക്കില്ലെന്നും അദ്ദേഹം കൂട്ടിച്ചേര്ത്തു.