കൊച്ചി: ആറു മാസം പ്രായമുള്ള കൈക്കുഞ്ഞിനെ ഭര്ത്താവിനെ ഏല്പ്പിച്ച്, ഭര്ത്താവ് നോക്കിനില്ക്കെ കായലില് ചാടിയ യുവതിയുടെ മൃതദേഹം കണ്ടെത്തി.
വയലാര് പടിഞ്ഞാറെ പൂപ്പള്ളി സെബാസ്റ്റ്യന്റെ ഭാര്യ വിനീഷ (32) യുടെ മൃതദേഹമാണ് ഇന്നു രാവിലെ അരൂര് മുക്കം ഭാഗത്തു നിന്നും ലഭിച്ചത്. പനങ്ങാട് പോലീസ് സ്ഥലത്തെത്തി ഇന്ക്വസ്റ്റ് നടപടികള് നടത്തിവരികയാണ്.
വ്യാഴാഴ്ച വൈകിട്ടു ഭര്ത്താവുമൊത്തു ബൈക്കില് കൈക്കുഞ്ഞുമായി സ്വന്തം വീട്ടിലേക്കു വരുന്നതിനിടെയായിരുന്നു സംഭവം. കുടുംബ പ്രശ്നങ്ങളാണു യുവതിയുടെ മരണത്തിനു കാരണമെന്ന് സംശയിക്കുന്നതായി പോലീസ് പറഞ്ഞു. മരട് ആലപ്പാട്ട് തോമസിന്റെ മകളാണു വിനീഷ. പത്തു വര്ഷം മുന്പ് വിവാഹം കഴിഞ്ഞ ഇവര്ക്ക് മൂന്ന് ആണ്കുട്ടികളാണുള്ളത്. മൂത്ത കുട്ടി മൂന്നാം ക്ലാസിലും രണ്ടാമത്തെ കുട്ടി എല്കെജി വിദ്യാര്ഥിയുമാണ്.
കഴിഞ്ഞ ആഴ്ചയില് ഇവര് എല്ലാവരും മരടിലെ വീട്ടില് വന്നു മടങ്ങിയതാണെന്നു വിനീഷയുടെ സഹോദരന് പറഞ്ഞു. കൈക്കുഞ്ഞിനെ പോലീസ് വിനീഷയുടെ വീട്ടുകാര്ക്കു ഇന്നലെതന്നെ കൈമാറിയിരുന്നു.
