കണ്ണൂര്: മാധ്യമ വിലക്ക് ഏര്പ്പെടുത്തിയതുകൊണ്ട് വംശഹത്യ എന്ന യാഥാര്ത്ഥ്യം ഇല്ലാതാകുന്നില്ലെന്ന് സിപിഎം കണ്ണൂര് ജില്ലാ സെക്രട്ടറി എംവി ജയരാജന്.
ഗുജറാത്ത് കലാപവുമായി ബന്ധപ്പെട്ട ബിബിസിയുടെ വിവാദ ഡോക്യുമെന്ററി പ്രദര്ശിപ്പിക്കുന്നതുമായി ബന്ധപ്പെട്ട് പ്രതികരിക്കുകയായിരുന്നു ജില്ലാ സെക്രട്ടറി. ഡോക്യുമെന്ററി പ്രദര്ശിപ്പിക്കുന്നതിന്റെ പേരില് കേസെടുക്കുന്നെങ്കില് എടുക്കട്ടെ. ജയിലില് പോകാനും തയ്യാറാണെന്നും ഡോക്യുമെന്ററി പ്രദര്ശനത്തിന് സിപിഎം സംരക്ഷണം ഒരുക്കുമെന്നും എംവി ജയരാജന് പറഞ്ഞു.
ഇന്ത്യയിലൊട്ടാകെ ബിബിസിയുടെ വിവാദ ഡോക്യുമെന്ററി പ്രദര്ശിപ്പിക്കാനാണ് ഡിവൈഎഫ്ഐ തീരുമാനമെന്ന് ഡിവൈഎഫ്ഐ സംസ്ഥാന സെക്രട്ടറി വികെ സനോജ് വ്യക്തമാക്കി. സത്യം എത്ര മൂടിവെക്കാന് ശ്രമിച്ചാലും ജനങ്ങള്ക്ക് മുന്നില് തുറന്ന് കാണിക്കും. ഡോക്യുമെന്ററി പ്രദര്ശനവുമായി ബന്ധപ്പെട്ട് സംഘര്ഷമുണ്ടാക്കാന് ഡിവൈഎഫ്ഐ ആഗ്രഹിക്കുന്നില്ല. ഡോക്യുമെന്ററിയില് മതവിദ്വേഷമുണ്ടാക്കുന്ന ഒന്നും തന്നെയില്ല. രാജ്യവിരുദ്ധ പ്രവര്ത്തനമായി ഇതിനെ കാണേണ്ടതില്ലെന്നും അദ്ദേഹം വ്യക്തമാക്കി.
