കോട്ടയം: വൈകിയെത്തിയ ശൈത്യകാലം കേരളത്തെ വിറപ്പിക്കുന്നു. അസഹ്യമായ തണുപ്പിന്‍റെ പിടിയിലാണ് പല ജില്ലകളും. താപനില 19 ഡിഗ്രിയിലേക്ക് എത്തിയതോടെയാണ് തണുപ്പിന്‍റെ ശക്തി കൂടിയത്.
ഏറെക്കാലത്തിന് ശേഷമാണ് വയനാട് ഉള്‍പ്പെടെയുള്ള സ്ഥലങ്ങളില്‍ ഇത്ര കഠിനമായ തണുപ്പ് അനുഭവപ്പെടുന്നത്. മഴമേഖങ്ങള്‍ മാറി ആകാശം തെളിഞ്ഞതിനെ തുടര്‍ന്നാണ് തണുപ്പിന്‍റെ കാഠിന്യം കൂടിയത്.
ഹൈറേഞ്ചിലെ പ്രമുഖ ടൂറിസം കേന്ദ്രമായ മൂന്നാറില്‍ ബുധനാഴ്ച്ച മൈനസ് രണ്ടായിരുന്നു താപനില. വയനാട് ജില്ലയുടെ വിവിധ ഭാഗങ്ങളില്‍ താപനില 15 ഡിഗ്രീ വരെ താഴ്ന്നു. സംസ്ഥാനത്തെ പ്രധാന കേന്ദ്രങ്ങളില്‍ വ്യാഴാഴ്ച്ച രാവിലെ ആറ് മണിക്ക് രേഖപ്പെടുത്തിയ താപനില.
കൊച്ചി- 20
കോഴിക്കോട്- 21
തിരുവനന്തപുരം- 19
കാസര്‍ഗോഡ്- 19
കണ്ണൂര്‍- 21
സുല്‍ത്താന്‍ ബത്തേരി- 15
തിരൂര്‍- 20
തൃശ്ശൂര്‍- 23
പാലക്കാട്- 20
ആലപ്പുഴ- 22
തൊടുപുഴ- 19
കൊല്ലം- 24
ശബരിമല- 18
