ന്യൂഡല്ഹി: പ്രധാനമന്ത്രി നരേന്ദ്ര മോദിയുടെ ഓഫീസില് തീപിടിത്തം. ആളപായമില്ല. പാര്ലമെന്റിലെ സൗത്ത് ബ്ലോക്കില് രണ്ടാം നിലയിലുള്ള 242-ാം നമ്പര് മുറിയിലാണ് ഇന്ന് പുലര്ച്ചെ മൂന്നരയോടെ തീ പടര്ന്നത്.പത്ത് അഗ്നിശമന യൂണിറ്റുകള് ചേര്ന്ന് ഇരുപത് മിനിറ്റിനുള്ളില് തീ നിയന്ത്രണവിധേയമാക്കി.
പ്രധാനമന്ത്രിയുടെ ഓഫിസ് കൂടാതെ പ്രതിരോധ മന്ത്രാലയം, വിദേശകാര്യ മന്ത്രാലയം, ദേശീയ സുരക്ഷാ ഉപദേഷ്ടാവിന്റെ ഓഫിസ്, വിദേശകാര്യ സെക്രട്ടറിയുടെ ഓഫിസ് എന്നിവയാണ് ഈ നിലയില് പ്രവര്ത്തിക്കുന്നത്. കഴിഞ്ഞ വര്ഷവും സൗത്ത് ബ്ലോക്കിലെ പ്രധാനമന്ത്രിയുടെ ഓഫിസില് തീപിടിത്തമുണ്ടായിരുന്നു.