സോളാര് കേസിലെ പ്രതി സരിത എസ്. നായര്ക്കെതിരെ മുഖ്യമന്ത്രി ഉമ്മന് ചാണ്ടി ക്രിമിനല് കേസ് ഫയല് ചെയ്തു. സരിതയ്ക്കും കത്ത് പുറത്തുവിട്ട രണ്ട് മാധ്യമങ്ങളിലെ നാല് മാധ്യമ പ്രവര്ത്തകര്ക്കെതിരെയുമാണ് മുഖ്യമന്ത്രി മാനനഷ്ടക്കേസ് കൊടുത്തത്. ഗൂഢാലോചന കുറ്റംകൂടി ഉള്പ്പെടുത്തിയാണ് എറണാകുളം സി.ജെ.എം കോടതിയില് മുഖ്യമന്ത്രി ഹര്ജി ഫയല് ചെയ്തതിരിക്കുന്നത്.
മുഖ്യമന്ത്രിക്കെതിരെ ആരോപണം ഉന്നയിച്ചുള്ള സരിതയുടെ പുതിയ കത്ത് പുറത്ത് വന്ന സാഹചര്യത്തിലാണ് ഈ നടപടി.
അടിസ്ഥാന രഹിതമായ ആരോപണങ്ങള് ഉന്നയിച്ച് തിരഞ്ഞെടുപ്പ് മുന്നില് കണ്ട് അപകീര്ത്തിപ്പെടുത്താന് ഗൂഢാലോചന നടത്തിയെന്ന് ഹര്ജിയില് പറയുന്നു. ഹര്ജിയില് മെയ് 28 ന് വാദം കേള്ക്കും.