ന്യൂഡല്‍ഹി: വിദ്യാര്‍ത്ഥിനികളെ മാനഭംഗപ്പെടുത്തിയ അന്ധനായ അദ്ധ്യാപകന്‍ അറസ്റ്റില്‍. ഡല്‍ഹിയിലെ സര്‍ക്കാര്‍ സ്കൂളിലെ അദ്ധ്യാപകനായ വധേഷ് പ്രജാപതിയാണ് അറസ്റ്റിലായത്.
മുഖര്‍ജി നഗര്‍ പോലീസ് സ്റ്റേഷനിലെ വനിത പോലീസുകാര്‍ സ്കൂളില്‍ പതിവായി നടത്തുന്ന പരിശോധനയ്ക്കിടയിലാണ് മാനഭംഗക്കഥ പുറത്തറിയുന്നത്. കാഴ്ചയില്ലെന്ന് പറഞ്ഞ് അദ്ധ്യാപകന്‍ വിദ്യാര്‍ത്ഥികളുടെ സ്വകാര്യ ഭാഗങ്ങളില്‍ സ്പര്‍ശിക്കുക പതിവായിരുന്നുവെന്ന് പരാതിക്കാരായ വിദ്യാര്‍ത്ഥിനികള്‍ പറയുന്നു.
അദ്ധ്യാപകനെ കുറിച്ച്‌ ഏഴ് വിദ്യാര്‍ത്ഥികള്‍ പരാതി നല്‍കിയിട്ടുണ്ട്. കൂടാതെ അഞ്ചോളം പേര്‍ പുതുതായി പരാതിയുമായി പോലീസിനെ സമീപിച്ചിട്ടുണ്ട്.
