ന്യൂഡല്ഹി: ബാബ്റി മസ്ജിദ് നിന്നിരുന്ന ഭൂമിയുടെ ഉടമാവകാശം സംബന്ധിച്ച തര്ക്കത്തില് സുപ്രീംകോടതിയില് അന്തിമ വാദം കേള്ക്കുന്നത് ഫെബ്രുവരി എട്ടിലേക്ക് മാറ്റി. ചീഫ് ജസ്റ്റിസ് ദീപക് മിശ്ര, ജസ്റ്റിസുമാരായ അശോക് ഭൂഷണ്, എസ്. അബ്ദുല്നാസര് എന്നിവരടങ്ങുന്ന ബെഞ്ചാണ് വാദം കേട്ടത്.
സുന്നി വഖഫ് ബോര്ഡ്, നിര്മോഹി അഖാഡ, രാംലാല വിരാജ്മാന് എന്നിവക്ക് 2.77 ഏക്കര് വരുന്ന ഭൂമി തുല്യമായി പങ്കിട്ടു നല്കണമെന്ന അലഹബാദ് ഹൈക്കോടതി വിധിക്കെതിരായ അപ്പീലുകളാണ് സുപ്രീംകോടതി ഇന്ന് പരിഗണിച്ചത്.
ബാബറി മസ്ജിദ് തകര്ക്കപ്പെട്ടിട്ട് കാല് നൂറ്റാണ്ട് തികയുന്നതിനൊപ്പമാണ് കേസില് അന്തിമവാദം സുപ്രീംകോടതിയില് തുടങ്ങിയത്. ഹര്ജികളില് എത്രയും വേഗം വാദം കേള്ക്കുമെന്ന് കഴിഞ്ഞ ജൂലൈ 21ന് മുന് ചീഫ് ജസ്റ്റിസ് ജെ.എസ്. ഖെഹാറിന്റെ നേതൃത്വത്തിലുള്ള ബെഞ്ച് വ്യക്തമാക്കിയിരുന്നു.
