തിരുവനന്തപുരം: സാംസ്കാരിക നായകന്മാര്ക്കെതിരെ രൂക്ഷമായി വിമര്ശനവുമായി അഡ്വ: ജയശങ്കര്. അവരുടെ നാവും നട്ടെല്ലും പാര്ട്ടി ഓഫീസില് പണയത്തിലാണ്. ലോക്കല് സെക്രട്ടറി പച്ചക്കൊടി കാണിച്ചാലേ പ്രതികരിക്കാന് നിവൃത്തിയുള്ളൂവെന്നാണ് അഡ്വക്കേറ്റ് ജയശങ്കര് ഫേസ്ബുക്ക് പോസ്റ്റില് വ്യക്തമാക്കുന്നത്.
അഡ്വക്കേറ്റ് ജയശങ്കറിന്റെ ഫേസ്ബുക്ക് പോസ്റ്റ്
സാഹിത്യ അക്കാദമിയില് വാഴപ്പിണ്ടിക്കെന്തു സാംഗത്യം?….തൃശൂരെ ഏതാനും യൂത്ത് കോണ്ഗ്രസ് പ്രവര്ത്തകര് വാഴപ്പിണ്ടിയുമേന്തി സാഹിത്യ അക്കാദമിയിലേക്കു പ്രകടനം നടത്തി.
ചെയര്മാന് അതേറ്റുവാങ്ങാന് വൈമനസ്യം പ്രകടിപ്പിച്ചതു കൊണ്ട് അദ്ദേഹത്തിന്റെ കാറിനു മേല് വാഴപ്പിണ്ടി സമര്പ്പിച്ചു കൃതാര്ത്ഥരായി. കാസര്കോട് ജില്ലയില് രണ്ടു യുവ കോണ്ഗ്രസ് പ്രവര്ത്തകര് വെട്ടേറ്റു മരിച്ച സംഭവത്തെ പറ്റി നമ്മുടെ മതേതര- ജനാധിപത്യ- പുരോഗമന സാംസ്കാരിക നായകര് പുലര്ത്തുന്ന മൗനമാണ് യൂത്തന്മാരെ പ്രകോപിപ്പിച്ചത്. നട്ടെല്ലിന് പകരം ഉപയോഗിക്കാനാണത്രേ, വാഴപ്പിണ്ടി.
യൂത്ത് കോണ്ഗ്രസുകാര്ക്ക് നമ്മുടെ സാംസ്കാരിക നായകരെ പറ്റി ഒരു ചുക്കും അറിയില്ല. അവരുടെ നാവും നട്ടെല്ലും പാര്ട്ടി ഓഫീസില് പണയത്തിലാണ്. ലോക്കല് സെക്രട്ടറി പച്ചക്കൊടി കാണിച്ചാലേ പ്രതികരിക്കാന് നിവൃത്തിയുള്ളൂ. അതുകൊണ്ട് സോറി, എച്ചൂസ് മീ…